{"kind":"section","lang":"la","language":"Latin","title":"Technopaegnion 2","citation":"Ausonius, Technopaegnion 2","ref":"2","level":null,"urn":"urn:cts:latinLit:stoa0045.stoa028.perseus-lat2:2","url":"https://interlinea.aeterna-institute.org/library/latin/ausonius/technopaegnion/2","api":"https://interlinea.aeterna-institute.org/api/v1/library/latin/ausonius/technopaegnion/2","markdown":"https://interlinea.aeterna-institute.org/library/latin/ausonius/technopaegnion/2.md","author":{"name":"Ausonius","url":"https://interlinea.aeterna-institute.org/library/latin/ausonius"},"work":{"title":"Technopaegnion","url":"https://interlinea.aeterna-institute.org/library/latin/ausonius/technopaegnion","urn":"urn:cts:latinLit:stoa0045.stoa028"},"verse":true,"words":111,"text":"MISI ad te Technopaegnion, inertis otii mei inutile\nopusculum. versiculi sunt monosyllabis coepti et\nmonosyllabis terminati. nec hic modo stetit scrupea\ndifficultas, sed accessit ad miseriam conectendi, ut\nidem monosyllabon, quod esset finis extremi versus,\nprincipium fieret insequentis, dic ergo: o mora, o\npoena! rem vanam quippe curavi: exigua est, et\nfastiditur: inconexa est et implicatur: cum sit aliquid,\nvel nihili deprehenditur. laboravi tamen, ut\nhaberet aut historicon quippiam, aut dialecticon.\nnam poeticam vel sophisticam levitatem necessitas\nobservationis exclusit, ad summam, non est quod\nmireris: sed paucis litteris additis, est cuius miserearis\nneque aemulari velis, et si huc quoque descendens,\nmaiorem molestiam capias ingenii et\nfacundiae detrimento, quam oblectationem imitationis affectu.","prev":{"citation":"Technopaegnion 1","label":"1","url":"https://interlinea.aeterna-institute.org/library/latin/ausonius/technopaegnion/1","api":"https://interlinea.aeterna-institute.org/api/v1/library/latin/ausonius/technopaegnion/1"},"next":{"citation":"Technopaegnion 3","label":"3","url":"https://interlinea.aeterna-institute.org/library/latin/ausonius/technopaegnion/3","api":"https://interlinea.aeterna-institute.org/api/v1/library/latin/ausonius/technopaegnion/3"},"credit":{"text":"Ausonius, Technopaegnion, ed. Hugh G. Evelyn-White. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/stoa0045/stoa028/stoa0045.stoa028.perseus-lat2.xml","quality":"proofread"}}