{"kind":"section","lang":"la","language":"Latin","title":"Aratea 1864-1878","citation":"Avienus, Aratea 1864-1878","ref":"1864","level":null,"urn":null,"url":"https://interlinea.aeterna-institute.org/library/latin/avienus/aratea/1864","api":"https://interlinea.aeterna-institute.org/api/v1/library/latin/avienus/aratea/1864","markdown":"https://interlinea.aeterna-institute.org/library/latin/avienus/aratea/1864.md","author":{"name":"Avienus","url":"https://interlinea.aeterna-institute.org/library/latin/avienus"},"work":{"title":"Aratea","url":"https://interlinea.aeterna-institute.org/library/latin/avienus/aratea","urn":null},"verse":true,"words":93,"text":"Non spernenda tibi sunt talia, sed memor uni\nadde aliud semper; si tertia denique signa\nproueniant, firmo uenturum pectore fare.\nEt transactorum sollers componere mensum\nsigna laborabis: si sic fluxere reperta,\nnequaquam trepidare pudor persuadeat ullus.\nAstrorum lapsus, astrorum protinus ortus\ndiscute, si casus similis et stella per aethram\nprodidit. Exacti iam summa crepuscula mensis\net surgentis item primordia conscius artis\nfare sacrae: mensum confinia summa duorum\ncaeca latent, lucis haec semper semet in octo\ninscia lunaris tendunt facis. Ipsa fideli\nperquire studio et, siquid tibi forte repertum,\npluribus indiciis sollers fulcire memento.","prev":{"citation":"Aratea 1820-1863","label":"Lines 1820-1863","url":"https://interlinea.aeterna-institute.org/library/latin/avienus/aratea/1820","api":"https://interlinea.aeterna-institute.org/api/v1/library/latin/avienus/aratea/1820"},"next":null,"credit":{"text":"Avienus, Aratea. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/AVIEN%7Carat%7C001","quality":"proofread"}}