{"kind":"section","lang":"la","language":"Latin","title":"Instauratio magna 175","citation":"Bacon, Instauratio magna 175","ref":"175","level":null,"urn":null,"url":"https://interlinea.aeterna-institute.org/library/latin/bacon/instauratio-magna/175","api":"https://interlinea.aeterna-institute.org/api/v1/library/latin/bacon/instauratio-magna/175","markdown":"https://interlinea.aeterna-institute.org/library/latin/bacon/instauratio-magna/175.md","author":{"name":"Bacon","url":"https://interlinea.aeterna-institute.org/library/latin/bacon"},"work":{"title":"Instauratio magna","url":"https://interlinea.aeterna-institute.org/library/latin/bacon/instauratio-magna","urn":null},"verse":false,"words":157,"text":"De Balneis calidis, in quo situ & naturâ Soli emanare soleant, non satis quaesitum est: itaque non subiungitur Negatiua. Liquidis feruentibus subiungitur Negatiua ipsius Liquidi in naturà suâ. Nullum enim inuenitur liquidum tangibile, quod sit in naturâ suâ & maneat constantèr Calidum; sed superinducitur ad tempus tantùm Calor, vt Natura ascititia: adeò vt quae potestate & operatione sunt maximè Calida, vt spiritus Vini, olea aromatum chymica, etiam olea vitrioli & sulphuris, & similia, quae paulò post adurunt; ad primum tactum sint frigida. Aqua autem Balneorum naturalium excepta in vas aliquod, & separata à fontibus suis deferuescit perindè ac aqua igne calefacta. At verum est corpora Oleosa, ad tactum paulò minùs esse frigida quàm Aquea; vt Oleum minùs quàm Aqua, Sericum minùs quàm Linteum. Verùm hoc pertinet ad Tabulam Graduum de Frigido. SimiLIDII. Nouum Organum. Similitèr Vapori feruido subiungitur Negatiua naturae ipsius Vaporis, qualis apud nos inuenitur. Etenim exhalationes ex Oleosis, licèt facilè inflammabiles, tamen non inueniuntur calidae, nisi à corpore calido recentèr exhalauerint.","prev":{"citation":"Instauratio magna 174","label":"PEEIINTIIF","url":"https://interlinea.aeterna-institute.org/library/latin/bacon/instauratio-magna/174","api":"https://interlinea.aeterna-institute.org/api/v1/library/latin/bacon/instauratio-magna/174"},"next":{"citation":"Instauratio magna 176","label":"PEEIINTIIF","url":"https://interlinea.aeterna-institute.org/library/latin/bacon/instauratio-magna/176","api":"https://interlinea.aeterna-institute.org/api/v1/library/latin/bacon/instauratio-magna/176"},"credit":{"text":"Bacon, Instauratio magna. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}