{"kind":"section","lang":"la","language":"Latin","title":"Opuscula nova 4.10","citation":"Bebel, Opuscula nova 4.10","ref":"4.10","level":null,"urn":null,"url":"https://interlinea.aeterna-institute.org/library/latin/bebel/opuscula-nova/4.10","api":"https://interlinea.aeterna-institute.org/api/v1/library/latin/bebel/opuscula-nova/4.10","markdown":"https://interlinea.aeterna-institute.org/library/latin/bebel/opuscula-nova/4.10.md","author":{"name":"Bebel","url":"https://interlinea.aeterna-institute.org/library/latin/bebel"},"work":{"title":"Opuscula nova","url":"https://interlinea.aeterna-institute.org/library/latin/bebel/opuscula-nova","urn":null},"verse":true,"words":87,"text":"Regule parve ales partum genuisse sinistro\nTe reor Alecto sub phlegethontis aquis.\nUt sileant cunctae volucres sub frigore brumae\nDeliteatque suo vel genus omne specu.\nSolus ad innumeros numeros modulamina fundis\nVoceque multisona gaudia multa refers.\nVere canis pluvio laetissimus, atque sereno\nTempore venturus, si canis, imber adest.\nHinc cur rex volucrum possis vel iure vocari\nAmbigo, cum minimus corpus inerme geras.\nAt reor alituum cum sis durissimus ipse\nTempore quod gelido gaudia solus habes.\nVel qui appellavit parcas quod parcere nulli\nConsueverint, nomen Regule parve dedit.","prev":{"citation":"Opuscula nova 4.9","label":"Saphicum de laudibus Bacchi. omnium curarum medici, laetitiaeque parentis. quod","url":"https://interlinea.aeterna-institute.org/library/latin/bebel/opuscula-nova/4.9","api":"https://interlinea.aeterna-institute.org/api/v1/library/latin/bebel/opuscula-nova/4.9"},"next":{"citation":"Opuscula nova 4.11","label":"4.11","url":"https://interlinea.aeterna-institute.org/library/latin/bebel/opuscula-nova/4.11","api":"https://interlinea.aeterna-institute.org/api/v1/library/latin/bebel/opuscula-nova/4.11"},"credit":{"text":"Bebel, Opuscula nova. Text: CAMENA (Universität Mannheim), CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/nevenjovanovic/camena-neolatinlit/blob/771bb7f96826dfacdd920e48b8dfb2c33c52efe7/poemata/bebelopuscula_1.xml","quality":"ocr"}}