{"kind":"section","lang":"la","language":"Latin","title":"Opuscula nova 4.15","citation":"Bebel, Opuscula nova 4.15","ref":"4.15","level":null,"urn":null,"url":"https://interlinea.aeterna-institute.org/library/latin/bebel/opuscula-nova/4.15","api":"https://interlinea.aeterna-institute.org/api/v1/library/latin/bebel/opuscula-nova/4.15","markdown":"https://interlinea.aeterna-institute.org/library/latin/bebel/opuscula-nova/4.15.md","author":{"name":"Bebel","url":"https://interlinea.aeterna-institute.org/library/latin/bebel"},"work":{"title":"Opuscula nova","url":"https://interlinea.aeterna-institute.org/library/latin/bebel/opuscula-nova","urn":null},"verse":true,"words":121,"text":"Zoile doctiloquos solitus carpsisse Poetas\nQuos fovet et Phoebus Pieriusque chorus,\nAtque tuos toties solitus tempsisse magistros\nOmnibus insultans quos sacra Pallas amat.\nIn numero Vatum stultissime dicier optas\nEt tibi iam titulos sumis inepte novos.\nTu Flaccum laudas, miraris carmina Vatum\nTamquam mellifluo sis Helicone satus.\nScribere clericulis cum vix exponere possis,\nEt qui cum beta noveris alpha parum.\nOmnibus in triviis Rauco foedissimus ore\nInsontem ab latras me lacerasque virum.\nO te imprudentem perstes laesisse Poetas\nIn pharetra quorum spicula mille latent.\nCornua mille geras, tu sis cornutus et usque\nDurior et cornu sis licet ipse lapis.\nExperiere tamen musas effringere doctas\nPectus barbaricum cornigerumque caput.\nUtque omnis mihi sit vindictae dempta facultas\nPierides vires et sua tela dabunt.","prev":{"citation":"Opuscula nova 4.14","label":"Conquestio in avaritiam puellarum, quia nemo nisi dives ametur.","url":"https://interlinea.aeterna-institute.org/library/latin/bebel/opuscula-nova/4.14","api":"https://interlinea.aeterna-institute.org/api/v1/library/latin/bebel/opuscula-nova/4.14"},"next":{"citation":"Opuscula nova 4.16","label":"Querimonia puellarum in Luciferum, qui graece Phosphorus dicitur.","url":"https://interlinea.aeterna-institute.org/library/latin/bebel/opuscula-nova/4.16","api":"https://interlinea.aeterna-institute.org/api/v1/library/latin/bebel/opuscula-nova/4.16"},"credit":{"text":"Bebel, Opuscula nova. Text: CAMENA (Universität Mannheim), CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/nevenjovanovic/camena-neolatinlit/blob/771bb7f96826dfacdd920e48b8dfb2c33c52efe7/poemata/bebelopuscula_1.xml","quality":"ocr"}}