{"kind":"section","lang":"la","language":"Latin","title":"Opuscula nova 4.20","citation":"Bebel, Opuscula nova 4.20","ref":"4.20","level":null,"urn":null,"url":"https://interlinea.aeterna-institute.org/library/latin/bebel/opuscula-nova/4.20","api":"https://interlinea.aeterna-institute.org/api/v1/library/latin/bebel/opuscula-nova/4.20","markdown":"https://interlinea.aeterna-institute.org/library/latin/bebel/opuscula-nova/4.20.md","author":{"name":"Bebel","url":"https://interlinea.aeterna-institute.org/library/latin/bebel"},"work":{"title":"Opuscula nova","url":"https://interlinea.aeterna-institute.org/library/latin/bebel/opuscula-nova","urn":null},"verse":true,"words":118,"text":"Nescio quid de me tu cornicaris inepte\nPresbyteros, canum verba pudica decent.\nIlia rumpuntur tibi cum mea nomina cernis\nSurgere, vel doctum fama referre solet.\nAtque meam laudem ducis tibi dedecus esse\nDum solus clarum nomen habere cupis.\nAtque apud agricolas solus vis esse propheta\nQuicquid et in toto discitur orbe sapis.\nViribus et totis me de primis usque Poetam\nSaepius et forsan non bona verba refers.\nAt mihi si credis, vis scrofa lacessere doctam\nPallada, quem laudant teutonicaeque scholae.\nNon me gloriolae, non me rumusculus audax\nIgnarae plebis sollicitare solet.\nTu studeas, cuius vel corruptissima libra est\nVulgo, nec durans lausque caduca brevi.\nMe raris placuisse viris iuvat, est quibus acre\nIudicium, unde mihi fama perennis erit.","prev":{"citation":"Opuscula nova 4.19","label":"Paraenesis Bebeliana ad iuventutem ne pravis mulieribus nimium credat.","url":"https://interlinea.aeterna-institute.org/library/latin/bebel/opuscula-nova/4.19","api":"https://interlinea.aeterna-institute.org/api/v1/library/latin/bebel/opuscula-nova/4.19"},"next":{"citation":"Opuscula nova 4.21","label":"Contra eundem.","url":"https://interlinea.aeterna-institute.org/library/latin/bebel/opuscula-nova/4.21","api":"https://interlinea.aeterna-institute.org/api/v1/library/latin/bebel/opuscula-nova/4.21"},"credit":{"text":"Bebel, Opuscula nova. Text: CAMENA (Universität Mannheim), CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/nevenjovanovic/camena-neolatinlit/blob/771bb7f96826dfacdd920e48b8dfb2c33c52efe7/poemata/bebelopuscula_1.xml","quality":"ocr"}}