{"kind":"section","lang":"la","language":"Latin","title":"Opuscula nova 4.4","citation":"Bebel, Opuscula nova 4.4","ref":"4.4","level":null,"urn":null,"url":"https://interlinea.aeterna-institute.org/library/latin/bebel/opuscula-nova/4.4","api":"https://interlinea.aeterna-institute.org/api/v1/library/latin/bebel/opuscula-nova/4.4","markdown":"https://interlinea.aeterna-institute.org/library/latin/bebel/opuscula-nova/4.4.md","author":{"name":"Bebel","url":"https://interlinea.aeterna-institute.org/library/latin/bebel"},"work":{"title":"Opuscula nova","url":"https://interlinea.aeterna-institute.org/library/latin/bebel/opuscula-nova","urn":null},"verse":true,"words":119,"text":"Suaulio quos Blasi tibi devinxisse Poetas\nIure studes meritis, officiisque tuis.\nQui poterunt amplas cultoribus addere laudes.\nDant tibi perpetuum carmina sola decus.\nMecoenas vivet, vivet Messala per orbem,\nDum tenet Enus aquas, Danubiusque suas.\nHi quoniam dulces semper coluere Poetas,\nPer quos conspicui tempus in omne manent.\nAttamen a nobis iam quaeris amabile carmen\nFrustra, sum mutus conticuitque lyra.\nVilescit Phoebus, vilescit quicquid amavi,\nPieridumque chorus displicuisse solet.\nDicam equidem quare ieiunat doctus Homerus,\nCraesus habet versus, quaeque iuvare solent.\nAula ducum gemmas peperit, viridesque Smaragdos,\nQuaeritur hic summus nobilitatis honos.\nCarmina sola famem, famam licet addere, praestant\nHospitibus quibus, haud vel satis ipse facis.\nAt sine me dulces inter dignabere amicos,\nEt quandoque tibi carmina multa canam.","prev":{"citation":"Opuscula nova 4.3","label":"Ad Cyprianum de Serntein Cancellarium Caesarium. aequitate ius esse condiendum","url":"https://interlinea.aeterna-institute.org/library/latin/bebel/opuscula-nova/4.3","api":"https://interlinea.aeterna-institute.org/api/v1/library/latin/bebel/opuscula-nova/4.3"},"next":{"citation":"Opuscula nova 4.5","label":"Ad Matthaeum Langium Cubicularium secretarium Caesaris, praepositumque","url":"https://interlinea.aeterna-institute.org/library/latin/bebel/opuscula-nova/4.5","api":"https://interlinea.aeterna-institute.org/api/v1/library/latin/bebel/opuscula-nova/4.5"},"credit":{"text":"Bebel, Opuscula nova. Text: CAMENA (Universität Mannheim), CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/nevenjovanovic/camena-neolatinlit/blob/771bb7f96826dfacdd920e48b8dfb2c33c52efe7/poemata/bebelopuscula_1.xml","quality":"ocr"}}