{"kind":"section","lang":"la","language":"Latin","title":"Opuscula nova 4.5","citation":"Bebel, Opuscula nova 4.5","ref":"4.5","level":null,"urn":null,"url":"https://interlinea.aeterna-institute.org/library/latin/bebel/opuscula-nova/4.5","api":"https://interlinea.aeterna-institute.org/api/v1/library/latin/bebel/opuscula-nova/4.5","markdown":"https://interlinea.aeterna-institute.org/library/latin/bebel/opuscula-nova/4.5.md","author":{"name":"Bebel","url":"https://interlinea.aeterna-institute.org/library/latin/bebel"},"work":{"title":"Opuscula nova","url":"https://interlinea.aeterna-institute.org/library/latin/bebel/opuscula-nova","urn":null},"verse":true,"words":132,"text":"O Matthaee mihi grandi celebrande cothurno\nPieridum cultor Phoebigenaeque Lyrae.\nTanta licet tua sint merita in me, qua satis illis\nNon umquam sperem reddere posse vicem,\nExuperant etenim cunctas in carmine vires,\nEloquium exuperant ingeniumque meum.\nAttamen ut virgo primum depasta pudorem\nPerfricuit frontem, deposuitque metum,\nSic ego, contentus dum non sum munere multo,\nOrandi finem, deposuique metum.\nHoc fecisse tamen res me non parva coegit.\nPaupertatis onus plura rogare docet.\nAuspice nubiferas nam te penetravimus alpes,\nAuxilioque tuo nostra peracta via est.\nErgo reduc Vatem, in patriam remeare volentem\nNolueris si me ferre famem atque sitim.\nOmnia mercamur care, mercamur Hiacchum\nIn pretio grandi, frugiferamque deam.\nQuod si curabis mihi parva viatica, laetus\nDiscedo, grates et sine fine feram.\nVive, vale, gaude, studiorum maxime cultor\nMeque tuos famulos inter habere velis.","prev":{"citation":"Opuscula nova 4.4","label":"Ad Blasium Hoscelium secretarium Caesaris","url":"https://interlinea.aeterna-institute.org/library/latin/bebel/opuscula-nova/4.4","api":"https://interlinea.aeterna-institute.org/api/v1/library/latin/bebel/opuscula-nova/4.4"},"next":{"citation":"Opuscula nova 4.6","label":"Ad eundem. Eucharisticon, id est. Gratiarum actio.","url":"https://interlinea.aeterna-institute.org/library/latin/bebel/opuscula-nova/4.6","api":"https://interlinea.aeterna-institute.org/api/v1/library/latin/bebel/opuscula-nova/4.6"},"credit":{"text":"Bebel, Opuscula nova. Text: CAMENA (Universität Mannheim), CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/nevenjovanovic/camena-neolatinlit/blob/771bb7f96826dfacdd920e48b8dfb2c33c52efe7/poemata/bebelopuscula_1.xml","quality":"ocr"}}