{"kind":"section","lang":"la","language":"Latin","title":"Proverbiorum Liber 1.1.1010-1033","citation":"Bede, Proverbiorum Liber 1.1.1010-1033","ref":"1.1.1010","level":null,"urn":null,"url":"https://interlinea.aeterna-institute.org/library/latin/bede/proverbiorum-liber/1.1.1010","api":"https://interlinea.aeterna-institute.org/api/v1/library/latin/bede/proverbiorum-liber/1.1.1010","markdown":"https://interlinea.aeterna-institute.org/library/latin/bede/proverbiorum-liber/1.1.1010.md","author":{"name":"Bede","url":"https://interlinea.aeterna-institute.org/library/latin/bede"},"work":{"title":"Proverbiorum Liber","url":"https://interlinea.aeterna-institute.org/library/latin/bede/proverbiorum-liber","urn":null},"verse":true,"words":184,"text":"· Vera discretio nonnisi vera humilitate acquiritur.\n· Voluptas omnis ad instar apum, ubi grata mella fudit, morsu corda ferit.\n· Vehementior est animi quam corporis febris.\n· Virtutis fructum sapiens in conscientia,minusperfectus ponit in gloria.\n· Vigilat quiad aspectum veri luminismentis oculos apertos tenet.\n· Victus ab uno quolibet vitio cito labiturin alia.\n· Virtus semperinvidiae patet.\n· Vanae gloriae sectator ei qui semina sua vento dispergenda committit assimilatur.\n· Valens retinere sanitatem, nullius despiciat vel irrideat infirmitatem.\n· Vitanda est superbia, quae et angelos decepit et virtutes omnes destruit.\n· Vitia prius exstirpanda sunt in homine, deinde virtutes inserendae.\n· Virgines et monachi sic temperent ieiunium, ut semper fortes sint ad Dei servitium.\n· Voluptas habet poenam, et necessitas parit coronam.\n· Vitiis dediti non possunt virtutibus ditari.\n· Valde imperitus est medicus, qui nulla nisi lenia medicamina dare novit.\n· Verecundiam abiiciens, omnes simul virtutes abiecit.\n· Vix quisquam in bonum transit, nisi ex malo.\n· Variam dant otia mentem.\n· Vilius argentum est auro, virtutibus aurum.\n· Vivere si recte nescis, decede peritis.\n· Virtutes variae pariter possunt habitare.\n· Virtus est grandis, benedicere pro maledictis.\n· Vis ingens animi, nullius laude moveri.\nChristian Latin Bede The Latin Library The Classics Page","prev":{"citation":"Proverbiorum Liber 1.1.974-1009","label":"PROVERBIORUM LIBER, lines 1.1.974-1.1.1009","url":"https://interlinea.aeterna-institute.org/library/latin/bede/proverbiorum-liber/1.1.974","api":"https://interlinea.aeterna-institute.org/api/v1/library/latin/bede/proverbiorum-liber/1.1.974"},"next":null,"credit":{"text":"Bede, PROVERBIORUM LIBER. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.","license":"Used with permission","licenseUrl":"https://www.thelatinlibrary.com/about.html","source":"https://www.thelatinlibrary.com/bede.html","quality":"proofread"}}