{"kind":"section","lang":"la","language":"Latin","title":"Proverbiorum Liber 1.1.139-170","citation":"Bede, Proverbiorum Liber 1.1.139-170","ref":"1.1.139","level":null,"urn":null,"url":"https://interlinea.aeterna-institute.org/library/latin/bede/proverbiorum-liber/1.1.139","api":"https://interlinea.aeterna-institute.org/api/v1/library/latin/bede/proverbiorum-liber/1.1.139","markdown":"https://interlinea.aeterna-institute.org/library/latin/bede/proverbiorum-liber/1.1.139.md","author":{"name":"Bede","url":"https://interlinea.aeterna-institute.org/library/latin/bede"},"work":{"title":"Proverbiorum Liber","url":"https://interlinea.aeterna-institute.org/library/latin/bede/proverbiorum-liber","urn":null},"verse":true,"words":279,"text":"· Cui gratum sit vocari filiusDei, venereturDeumutpatrem, faciens eius voluntatem.\n· Captivitas est maxima, ubi animae captivae ducuntur.\n· Cadens apertos oculos habet, qui recte quidem loqui scit, sed recte vivere contemnit.\n· Cupiens agnoscere quanta Dei gratia sit circa se, inspiciat alios;et quantiscunque plus habere se senserit in sospitate, vel intelligentia, vel in possessione alicuius rei, tantis sciat se esse ditiorem in gratia Dei.\n· Communis morbus communiter est abigendus.\n· Corrige te primum, qui rector sis aliorum.\n· Conveniens quid sit perpendere convenit omni.\n· Compatitur nulli qui non sibi scit misereri.\n· Cum caput aegrotat, corpus simul omne laborat.\n· D\n· Dominus de coelo prospicit super filios hominum, ut videat si est intelligens aut requirens Deum.\n· Dominus interrogat iustum et impiuim; qui autem diligit iniquitatem, odit animam suam.\n· Dominus dabit verbum evangelizantibus virtute multa.\n· Dominus virtutem populo suo dabit. Dominus benedicit populo suo in pace.\n· Dominus scit cogitationes hominum, quoniam vanaesunt.\n· Dulcis et rectus Dominus, propter hoc legem dabit delinquentibus in via.\n· Deus iudex iustus, fortis et patiens.\n· Dominus virtutum ipse est rex gloriae.�\n· Deus manifeste veniet, et non silebit.\n· Divites egueruntet esurierunt, inquirentes autem Dominum non minuentur omni bono.\n· Delectare in Domino, et dabit tibi petitiones cordis tui.\n· Declina a malo, et fac bonum.\n· Date et dabitur vobis.\n· Dimittite, et dimittetur vobis.\n· Deus non est mortuorum, sed viventium.\n· Dignus est operarius mercede sua.\n· Diliges Dominum Deum tuum ex toto corde tuo, et ex tota anima tua, et proximum tuum sicut te ipsum.\n· Deus fidelis et absque ulla iniquitate.\n· Dominus pauperem facit et ditat, humiliate et sublimat.\n· Dominus mortificat, vivificat, deducit ad inferos, et reducit.\n· Deum time, et mandata eius observa, hoc est omnis homo. �\n· Disciplinam Domini ne abiicias, nec deficias cum ab eo corriperis.","prev":{"citation":"Proverbiorum Liber 1.1.106-138","label":"PROVERBIORUM LIBER, lines 1.1.106-1.1.138","url":"https://interlinea.aeterna-institute.org/library/latin/bede/proverbiorum-liber/1.1.106","api":"https://interlinea.aeterna-institute.org/api/v1/library/latin/bede/proverbiorum-liber/1.1.106"},"next":{"citation":"Proverbiorum Liber 1.1.171-206","label":"PROVERBIORUM LIBER, lines 1.1.171-1.1.206","url":"https://interlinea.aeterna-institute.org/library/latin/bede/proverbiorum-liber/1.1.171","api":"https://interlinea.aeterna-institute.org/api/v1/library/latin/bede/proverbiorum-liber/1.1.171"},"credit":{"text":"Bede, PROVERBIORUM LIBER. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.","license":"Used with permission","licenseUrl":"https://www.thelatinlibrary.com/about.html","source":"https://www.thelatinlibrary.com/bede.html","quality":"proofread"}}