{"kind":"section","lang":"la","language":"Latin","title":"Proverbiorum Liber 1.1.308-342","citation":"Bede, Proverbiorum Liber 1.1.308-342","ref":"1.1.308","level":null,"urn":null,"url":"https://interlinea.aeterna-institute.org/library/latin/bede/proverbiorum-liber/1.1.308","api":"https://interlinea.aeterna-institute.org/api/v1/library/latin/bede/proverbiorum-liber/1.1.308","markdown":"https://interlinea.aeterna-institute.org/library/latin/bede/proverbiorum-liber/1.1.308.md","author":{"name":"Bede","url":"https://interlinea.aeterna-institute.org/library/latin/bede"},"work":{"title":"Proverbiorum Liber","url":"https://interlinea.aeterna-institute.org/library/latin/bede/proverbiorum-liber","urn":null},"verse":true,"words":282,"text":"· Gladius utraque parte acutus est verbum Dei, penetrans animam et corpus. �\n· Gravissimum inimicitiae genus, labiis benedicere, et corde maledicere.\n· Gloriari et superbire pro temporibus commodis, indicium est animi insipientis.\n· Gloriosius est iniuriam tacendo tolerare quam respondendo vindicare.\n· Gaudia integra nusquam sunt in terra.\n· Gulae et luxuriae deditus comparatur iumentis insipientibus.\n· Gratis a Deo data, gratis etiam sunt hominibus danda.\n· Gravis animus dubiam non habet sententiam.\n· Grave est peccatum, unde aliquis peccandi sumit exemplum.\n· Generalia commoda nemo facere debet sibi propria.\n· Grata Deo dona fert, qui frangit mala vota.\n· Gaudens in Domino gustat suavissima mella.\n· Grande scelus grandi studio debet superari.\n· Gloria mundana nullis est prorsus amanda. �\n· Gratia sola Dei quos vult facit alta mereri.\n· H\n· Homo sicut fenum, dies eius tanquam flos agri.\n· Homo cum in honore esset, comparatus est iumentis insipientibus, et similis factus est illis.\n· Homo vanitati similis factus est, dies eius sicut umbra praetereunt.\n· Habe fiduciam in Domino ex toto corde tuo.\n· Homo videt in facie, Deus autem intuetur cor.\n· Haereditas ad quam festinatur in principio, in novissimo benedictione carebit.\n· Honora Dominum de tua substantia, et de primitiis frugum tuarum da pauperibus.\n· Humiliamini sub potenti manu Dei, ut vos exaltet in tempore visitationis.\n· Hilarem datorem diligit Deus.\n· Hora est iam nos de somno surgere. �\n· Homo nascitur ad laborem, avis ad volatum.\n· Haereticum hominem post unam et secundam correptionem devita.\n· Horrendum est incidere in manus Dei.\n· Humanum est peccare, diabolicum vero est perseverare.\n· Hoc studio converti quisque debet ad bona, quo operatus est mala.\n· Haerebat iugiter in malis, conversus faciat idem in bonis.\n· Honestas et sobrietas in cunctis rebus sunt appetendae.\n· Honor Deo exhibitus exhibentes aeterna gloria dignos facit.\n· Honorem et imperium si vis habere, dabo tibi magnum, impera tibi.","prev":{"citation":"Proverbiorum Liber 1.1.273-307","label":"PROVERBIORUM LIBER, lines 1.1.273-1.1.307","url":"https://interlinea.aeterna-institute.org/library/latin/bede/proverbiorum-liber/1.1.273","api":"https://interlinea.aeterna-institute.org/api/v1/library/latin/bede/proverbiorum-liber/1.1.273"},"next":{"citation":"Proverbiorum Liber 1.1.343-376","label":"PROVERBIORUM LIBER, lines 1.1.343-1.1.376","url":"https://interlinea.aeterna-institute.org/library/latin/bede/proverbiorum-liber/1.1.343","api":"https://interlinea.aeterna-institute.org/api/v1/library/latin/bede/proverbiorum-liber/1.1.343"},"credit":{"text":"Bede, PROVERBIORUM LIBER. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.","license":"Used with permission","licenseUrl":"https://www.thelatinlibrary.com/about.html","source":"https://www.thelatinlibrary.com/bede.html","quality":"proofread"}}