{"kind":"section","lang":"la","language":"Latin","title":"Proverbiorum Liber 1.1.484-513","citation":"Bede, Proverbiorum Liber 1.1.484-513","ref":"1.1.484","level":null,"urn":null,"url":"https://interlinea.aeterna-institute.org/library/latin/bede/proverbiorum-liber/1.1.484","api":"https://interlinea.aeterna-institute.org/api/v1/library/latin/bede/proverbiorum-liber/1.1.484","markdown":"https://interlinea.aeterna-institute.org/library/latin/bede/proverbiorum-liber/1.1.484.md","author":{"name":"Bede","url":"https://interlinea.aeterna-institute.org/library/latin/bede"},"work":{"title":"Proverbiorum Liber","url":"https://interlinea.aeterna-institute.org/library/latin/bede/proverbiorum-liber","urn":null},"verse":true,"words":281,"text":"· Musica in luctu, importuna narratio.\n· Melior est iniquitas viri quam benefaciens mulier.\n· Melius est humiliari cum mitibus, quam dividere spolia cum superbis.\n· Melius est ire ad domum luctus, quam ad domum convivii.\n· Melius est a sapiente corripi, quam stultorum adulatione decipi.\n· Memoria iusti cum laudibus, et nomen impiorum putrescet.\n· Memento Creatoris tui in diebus iuventutis tuae.\n· Militia est vita hominis super terram, et sicut dies mercenarii dies eius. �\n· Mors et vita in manibus linguae.\n· Multum valet deprecatio iusti assidua.\n· Modicum fermentum totam massam corrumpit.\n· Mundus transit, et concupiscentia eius; qui autem facit voluntatem Dei, manet in aeternum.\n· Melius est non habere quod tribuas, quam impudenter petere quod des.\n· Melius est bene vinci, quam male vincere.\n· Melius est prius facere quod evenit, quam postea mali facti poenitearis.\n· Mendacium non est, cum de rebus insensibilibus quasi de sensibilibus mystice loquimur.\n· Mirandum simul et dolendum, quod plures, quasi religiosi, a cibis quibusdam abstinentes,mox quasi scelerati pessima quaeque agere omni modo student.\n· Mirandum dolendumque nihilominus et illud, quod plurimi simulantes se pro peccatorum venia visitare sancta et procul posita loca, cum fuerint reversi multo peiores fiunt quam antea.\n· Mores et studia rectorum et subiectorum qualitate inspiciuntur.\n· Maiora criminaet tarde credenda sunt cum audiuntur,et citius punienda cum veraciter agnoscuntur.\n· Melius est rusticitatem habere sanctam, quam eloquentiam peccatricem.\n· Mollisel dissolutus non vir, sed mulier est dicendus.\n· Mulier dans operam virtuti, vir potest dici.\n· Melius est facere divortium cum homine, quam cum Deo.\n· Manus pauperis, gazophylacium Christi est.\n· Male Sabbatum celebrat, qui a bonis operibus vacat.\n· Magna pars intelligentiae scire quid nescias.\n· Magna securitas est cordis, aliena non appetere.\n· Militis cuiuslibet fortitudo non agnoscitur, nisi in bello. �\n· Mala mors putanda non est, quam bona vita praecessit.","prev":{"citation":"Proverbiorum Liber 1.1.446-483","label":"PROVERBIORUM LIBER, lines 1.1.446-1.1.483","url":"https://interlinea.aeterna-institute.org/library/latin/bede/proverbiorum-liber/1.1.446","api":"https://interlinea.aeterna-institute.org/api/v1/library/latin/bede/proverbiorum-liber/1.1.446"},"next":{"citation":"Proverbiorum Liber 1.1.514-546","label":"PROVERBIORUM LIBER, lines 1.1.514-1.1.546","url":"https://interlinea.aeterna-institute.org/library/latin/bede/proverbiorum-liber/1.1.514","api":"https://interlinea.aeterna-institute.org/api/v1/library/latin/bede/proverbiorum-liber/1.1.514"},"credit":{"text":"Bede, PROVERBIORUM LIBER. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.","license":"Used with permission","licenseUrl":"https://www.thelatinlibrary.com/about.html","source":"https://www.thelatinlibrary.com/bede.html","quality":"proofread"}}