{"kind":"section","lang":"la","language":"Latin","title":"Proverbiorum Liber 1.1.514-546","citation":"Bede, Proverbiorum Liber 1.1.514-546","ref":"1.1.514","level":null,"urn":null,"url":"https://interlinea.aeterna-institute.org/library/latin/bede/proverbiorum-liber/1.1.514","api":"https://interlinea.aeterna-institute.org/api/v1/library/latin/bede/proverbiorum-liber/1.1.514","markdown":"https://interlinea.aeterna-institute.org/library/latin/bede/proverbiorum-liber/1.1.514.md","author":{"name":"Bede","url":"https://interlinea.aeterna-institute.org/library/latin/bede"},"work":{"title":"Proverbiorum Liber","url":"https://interlinea.aeterna-institute.org/library/latin/bede/proverbiorum-liber","urn":null},"verse":true,"words":277,"text":"· Malus ubi se simulat bonum, ibi est pessimus.\n· Male imperando summum imperium amittitur.\n· Mala conscientia nusquam requiescit secura.\n· Mortuus huic mundo nil scit nisi vivere Christo.\n· Magnum certamen iuvenilem vincere carnem.\n· Maxima fit pestis, cum pastor erit puerilis.\n· Mens levis ac fragilis cito perfert scandala carnis.\n· Mens assueta malis, vix eripietur ab illis.\n· Mors et perditio dicenda est caeca libido.\n· Maxime quaerendum quod semper erit retinendum.\n· N\n· Novit Dominus viam iustorum, et iter impiorum peribit.\n· Noli aemulari in eo qui prosperatur in via sua, in homine faciente iniustitias.\n· Nolite fieri sicut equus et mulus, quibus non est intellectus.\n· Nolite sperarein iniquitate,et rapinosnolite concupiscere.\n· Nisi Dominus custodierit civitatem, frustra vigilat qui custodit eam.\n· Non salvatur rex per multam virtutem.\n· Nolite confidere in principibus, in filiis hominum, in quibus non est salus.\n· Nemo bonus nisi solusDeus.\n· Non in solo pane vivit homo, sed in omni verbo quod procedit de ore Dei.\n· Non est opus sanis medicus, sed male habentibus.\n· Nisi quis renatus fuerit ex aqua et spiritu, non potest introire in regnum Dei.\n· Nemo potest duobus dominis servire.\n· Non potest arbor bona fructus malos facere, neque arbor mala fructus bonos facere.\n· Necesse est ut veniant scandala, vae autem homini illi per quem scandalum venit.\n· Non est discipulus super magistrum.\n· Nihil opertum quod non reveletur, et occultum quod non sciatur.\n· Nemo mittens manum suam ad aratrum, et aspiciens retro, aptus est regno Dei.\n· Ne tardes converti ad Dominum.\n· Non est speciosa laus in ore peccatoris.\n· Noli negligere disciplinam Domini, et ne fatigeris cum ab eo argueris.\n· Noli arguere derisorem,ne oderit te; argue sapientem, et diliget te.\n· Non est homo iustus super terram, qui facit bonum, et non peccet.","prev":{"citation":"Proverbiorum Liber 1.1.484-513","label":"PROVERBIORUM LIBER, lines 1.1.484-1.1.513","url":"https://interlinea.aeterna-institute.org/library/latin/bede/proverbiorum-liber/1.1.484","api":"https://interlinea.aeterna-institute.org/api/v1/library/latin/bede/proverbiorum-liber/1.1.484"},"next":{"citation":"Proverbiorum Liber 1.1.547-575","label":"PROVERBIORUM LIBER, lines 1.1.547-1.1.575","url":"https://interlinea.aeterna-institute.org/library/latin/bede/proverbiorum-liber/1.1.547","api":"https://interlinea.aeterna-institute.org/api/v1/library/latin/bede/proverbiorum-liber/1.1.547"},"credit":{"text":"Bede, PROVERBIORUM LIBER. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.","license":"Used with permission","licenseUrl":"https://www.thelatinlibrary.com/about.html","source":"https://www.thelatinlibrary.com/bede.html","quality":"proofread"}}