{"kind":"section","lang":"la","language":"Latin","title":"Proverbiorum Liber 1.1.639-676","citation":"Bede, Proverbiorum Liber 1.1.639-676","ref":"1.1.639","level":null,"urn":null,"url":"https://interlinea.aeterna-institute.org/library/latin/bede/proverbiorum-liber/1.1.639","api":"https://interlinea.aeterna-institute.org/api/v1/library/latin/bede/proverbiorum-liber/1.1.639","markdown":"https://interlinea.aeterna-institute.org/library/latin/bede/proverbiorum-liber/1.1.639.md","author":{"name":"Bede","url":"https://interlinea.aeterna-institute.org/library/latin/bede"},"work":{"title":"Proverbiorum Liber","url":"https://interlinea.aeterna-institute.org/library/latin/bede/proverbiorum-liber","urn":null},"verse":true,"words":286,"text":"· Occultae et iugiter perpetratae culpae merentur, ut reges pastoresque perversi constituantur.\n· Omnia fidei argumenta a praeteritis rebus suntassumenda.\n· Omne quod est iustum, merito dici valet unum.\n· Orandum semper, ne seducamur ab hoste.\n· Omni praelato subiectus sis quasi Christo.\n· quantis curis mens indiget omnibus horis.\n· Osquod mentitur, animam iugulare refertur.\n�\n· P\n· Propeest Dominus omnibus invocantibus eum in veritate.\n· Pretiosain conspectu Domini mors sanctorum eius.\n· Prohibe linguam tuam a malo,et labia tua ne loquantur dolum.\n· Patientia pauperum non peribit in finem.\n· Petite, etdabitur vobis; quaerite, et invenietis; pulsate, et aperietur vobis.\n· Perfectus omnis erit, si sit sicut magister eius.\n· Potens est Deus de lapidibus suscitare filios Abrahae.\n· Percute filium tuum virga, et liberabis animam eius a morte.\n· Plus proficit correptio apud prudentem, quam centum plagae apud stultum.\n· Perversi difficile corriguntur.\n· Princeps qui libenter audit verba mendacii, omnes ministros habet impios.\n· Per quae quis peccat, per haec et torquetur.\n· Pondus et pondus, mensura et mensura, utrumque abominabile est ante Deum.\n· Probata virtus corripit insipientes.\n· Propter peccata populi regnare facit Dominus hypocritam.\n· Peccator vel puer centum annorum maledictus erit.\n· Pugnabit orbis terrarum contra insensatos.\n· Post concupiscentias tuas non eas.\n· Probate spiritus, si ex Deo sint.\n· Prudentia carnis mors est, prudentia autem spiritus vita et pax.\n· Petitis, et non accipitis, eo quod male petatis.\n· Plenitudo legis est dilectio.\n· Per multas tribulationes oportet nos intrare in regnum Dei.\n· Peccantes coram omnibus arguantur, ut caeteri metum habeant. �\n· Positi in deliciis attendere nequeunt quanta sit poena perennis.\n· Pax vera est dicenda, cum spiritus et caro conveniunt omni modo.\n· Pacificus homo filius Dei meretur vocari.\n· Parentes in tantum diligendi sunt et honorandi, quantum illi subiecti sunt summo Patri.\n· Praelatis ac senioribus suis inobediens meretur aut si ipse praelatus fuerit aliquibus, ab eis eadem patiatur.","prev":{"citation":"Proverbiorum Liber 1.1.608-638","label":"PROVERBIORUM LIBER, lines 1.1.608-1.1.638","url":"https://interlinea.aeterna-institute.org/library/latin/bede/proverbiorum-liber/1.1.608","api":"https://interlinea.aeterna-institute.org/api/v1/library/latin/bede/proverbiorum-liber/1.1.608"},"next":{"citation":"Proverbiorum Liber 1.1.677-712","label":"PROVERBIORUM LIBER, lines 1.1.677-1.1.712","url":"https://interlinea.aeterna-institute.org/library/latin/bede/proverbiorum-liber/1.1.677","api":"https://interlinea.aeterna-institute.org/api/v1/library/latin/bede/proverbiorum-liber/1.1.677"},"credit":{"text":"Bede, PROVERBIORUM LIBER. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.","license":"Used with permission","licenseUrl":"https://www.thelatinlibrary.com/about.html","source":"https://www.thelatinlibrary.com/bede.html","quality":"proofread"}}