{"kind":"section","lang":"la","language":"Latin","title":"Proverbiorum Liber 1.1.70-105","citation":"Bede, Proverbiorum Liber 1.1.70-105","ref":"1.1.70","level":null,"urn":null,"url":"https://interlinea.aeterna-institute.org/library/latin/bede/proverbiorum-liber/1.1.70","api":"https://interlinea.aeterna-institute.org/api/v1/library/latin/bede/proverbiorum-liber/1.1.70","markdown":"https://interlinea.aeterna-institute.org/library/latin/bede/proverbiorum-liber/1.1.70.md","author":{"name":"Bede","url":"https://interlinea.aeterna-institute.org/library/latin/bede"},"work":{"title":"Proverbiorum Liber","url":"https://interlinea.aeterna-institute.org/library/latin/bede/proverbiorum-liber","urn":null},"verse":true,"words":275,"text":"· Beneficium qui dare nescit, iniuste petit.\n· Bonorum mens quo duriora pro veritate tolerat,eo certius aeternitatis praemia sperat.\n· Beatius est dare quam accipere.\n· Bonum si facere nequeas, non tamen culpes, vel prohibeas.\n· Bona conscientia in tenebris splendorem proprium tenet.\n· Brevitas vitae praesentis pensanda est ab universis.\n· Bellum optimum agitur, cum spiritus carni adversatur.�\n· Bellator fortis qui se poterit superare.\n· Bis gratum tribuit, qui quod debet cito reddit.\n· Blandus mansuetis sis, districtusque superbis.\n· Bestia crudelis est, cor pravae mulieris.\n· Bibere et manducare nulli concessum est ad gulam explendam, sed ad famem sitimque restringendam.\n· Bonus non est, quem malorum improbitas non probavit.\n· C\n· Charitas non estab ullo extorquenda, sed cum beneficiis exquirenda.\n· Charitas patiens est, benignaest.\n· Charitas operit multitudinem peccatorum.\n· Charos nemo suos Christo praeponere debet.\n· Coeli enarrant gloriam Dei, et opera manuum eius annuntiat firmamentum.\n· Cum electo electus eris, et cum perverso perverteris.\n· Cor contritum et humiliatum Deus non despiciet.�\n· Considerat peccator iustum, et quaerit mortificare eum.\n· Calix in manu Domini vini meri plenus misto.\n· Confitemini Domino quoniam bonus, quoniam in saeculum misericordia eius.\n· Cum dederit dilectus suis somnum, ecce haereditas Domini.\n· Custodit Deus omnes diligentes se, et omnes peccatores disperdet.\n· Cum facis eleemosynam, nesciat sinistra tua quid faciat dextra tua.\n· Coelum et terra transibunt, verba autem Dei non transibunt.\n· Caecussi caeco ducatum praebeat, ambo in foveam cadunt.\n· Cogitatio humani cordis prona est in malum ab adolescentia sua.\n· Curatio cessare facit peccata maxima.\n· Cum placuerint Domino viae hominis, inimici quoque eius convertentur ad pacem.\n· Cogitationes iustorum iudicia.\n· Cor regis in manu Dei, ubicunque voluerit inclinat illud.\n· Considera opera Dei, quod nemo possit eum corrigere, quem ille despexerit.\n· Circulus aureus in naribus suis, mulier pulchra et fatua.","prev":{"citation":"Proverbiorum Liber 1.1.37-69","label":"PROVERBIORUM LIBER, lines 1.1.37-1.1.69","url":"https://interlinea.aeterna-institute.org/library/latin/bede/proverbiorum-liber/1.1.37","api":"https://interlinea.aeterna-institute.org/api/v1/library/latin/bede/proverbiorum-liber/1.1.37"},"next":{"citation":"Proverbiorum Liber 1.1.106-138","label":"PROVERBIORUM LIBER, lines 1.1.106-1.1.138","url":"https://interlinea.aeterna-institute.org/library/latin/bede/proverbiorum-liber/1.1.106","api":"https://interlinea.aeterna-institute.org/api/v1/library/latin/bede/proverbiorum-liber/1.1.106"},"credit":{"text":"Bede, PROVERBIORUM LIBER. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.","license":"Used with permission","licenseUrl":"https://www.thelatinlibrary.com/about.html","source":"https://www.thelatinlibrary.com/bede.html","quality":"proofread"}}