{"kind":"section","lang":"la","language":"Latin","title":"Proverbiorum Liber 1.1.844-875","citation":"Bede, Proverbiorum Liber 1.1.844-875","ref":"1.1.844","level":null,"urn":null,"url":"https://interlinea.aeterna-institute.org/library/latin/bede/proverbiorum-liber/1.1.844","api":"https://interlinea.aeterna-institute.org/api/v1/library/latin/bede/proverbiorum-liber/1.1.844","markdown":"https://interlinea.aeterna-institute.org/library/latin/bede/proverbiorum-liber/1.1.844.md","author":{"name":"Bede","url":"https://interlinea.aeterna-institute.org/library/latin/bede"},"work":{"title":"Proverbiorum Liber","url":"https://interlinea.aeterna-institute.org/library/latin/bede/proverbiorum-liber","urn":null},"verse":true,"words":280,"text":"· Spiritus est Deus, et eos qui adorant eum, in spiritu et veritate oportet adorare.\n· Si manus tua vel pes tuus scandalizet te, abscinde illum et proiice abs te.\n· Sic Deus dilexit mundum, ut Filium suum unigenitum daret, ut omnis qui credit in ipsum, non pereat, sed habeat vitam aeternam.\n· Si peccaverit in te frater tuus, vade et corripe eum inter te et ipsum solum.\n· Sanctus spiritus disciplinae fugiet fictum,et aufert se a cogitationibus quae sunt sine intellectu.\n· Sapientis oculiin capite eius.\n· Sentite de Domino in bonitate, et in simplicitate cordis quaerite illum.\n· Stultus verbis non corrigitur.\n· Sapiens cor et intelligibile abstinet se a peccatis.\n· Stultitia colligata est in corde pueri, et virga disciplinae fugabit eam.\n· Statera dolosa abominatio est apud Deum, et pondus aequum voluntas eius.\n· Sapiens ut sol permanet, slultus autem ut luna mutatur. �\n· Semel loquitur Deus, et secundo non repetit.\n· Sapientiam omnium antiquorum exquirit sapiens.\n· Sapientia absconditaet thesaurus invisus; quae utilitas in utrisque?\n· Sapiens verbis innotescit paucis.\n· Septies cadit iustus, et resurget; impii autem corruent in malum.\n· Sermo durussuscitatfurorem.\n· Somnia extollunt imprudentes.\n· Secura mens quasi iuge convivium.\n· Secreta regis celare, bonum est; magnalia autem Dei revelare, honorificum est.\n· Stultus in risu exaltat vocem suam.\n· Si diligamus invicem, Deus in nobis manet,etcharitas eius in nobis perfecta est.\n· Si quis dixerit quoniam diligo Deum, et fratrem suum oderit, mendax est.\n· Spiritualis homo diiudicat omnia, et ipse a nemine iudicatur.\n· Sicutin Adam omnes moriuntur, ita et in Christo omnes vivificabuntur.\n· Sapientia huius mundi stultitia est apud Deum.\n· Sine poenitentia sunt dona et vocatio Dei.\n· Scientia inflat, charitas aedificat.\n· Si vivimus spiritu, spiritu et ambulemus.\n· Sive vivimus sive morimur, Domini sumus.\n· Sic diligendi sunt homines,ut eorum non diligantur errores.","prev":{"citation":"Proverbiorum Liber 1.1.811-843","label":"PROVERBIORUM LIBER, lines 1.1.811-1.1.843","url":"https://interlinea.aeterna-institute.org/library/latin/bede/proverbiorum-liber/1.1.811","api":"https://interlinea.aeterna-institute.org/api/v1/library/latin/bede/proverbiorum-liber/1.1.811"},"next":{"citation":"Proverbiorum Liber 1.1.876-903","label":"PROVERBIORUM LIBER, lines 1.1.876-1.1.903","url":"https://interlinea.aeterna-institute.org/library/latin/bede/proverbiorum-liber/1.1.876","api":"https://interlinea.aeterna-institute.org/api/v1/library/latin/bede/proverbiorum-liber/1.1.876"},"credit":{"text":"Bede, PROVERBIORUM LIBER. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.","license":"Used with permission","licenseUrl":"https://www.thelatinlibrary.com/about.html","source":"https://www.thelatinlibrary.com/bede.html","quality":"proofread"}}