{"kind":"section","lang":"la","language":"Latin","title":"Regula 1.58.537-558","citation":"Benedict, Regula 1.58.537-558","ref":"1.58.537","level":null,"urn":null,"url":"https://interlinea.aeterna-institute.org/library/latin/benedict/regula/1.58.537","api":"https://interlinea.aeterna-institute.org/api/v1/library/latin/benedict/regula/1.58.537","markdown":"https://interlinea.aeterna-institute.org/library/latin/benedict/regula/1.58.537.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":289,"text":"P. Benedicti nulla certa regula monachi confirmati, diversa incertitudine ac instabilitate hac et illac vagabantur, certo magisterio et certa locatione carentes; quapropter ipse vitia instabilitatis morum illorum describens, ut vita eorum a fidelibus monachis devitetur, monet. » Et propriis voluptatibus, et gulae illecebris servientes.] Propriis voluptatibus, ut pote qui « per simulationem charitalis carnis libidinibus obsequuntur, » ut ait S. Basilius (In Constit. monast. c. 9). Et gulae illecebris: ideo enim semper discurrunt, nec plus ternis quaternisve diebus in monasteriis hospitantur, quia sic « pro hospitum adventu, inquit Regula Magistri (Cap. 1), a diversis volunt quat dis noviter suscipi, et pro gaudio supervenientium exquisita sibi pulmentaria apparari, et animantia pullorum sibi curant quotidie a diversis hospitibus pro adventu cultello occidi... per occasionem itineris intestinas suas latiori coena vel prandio inquinatas infinitis poculis magis quam pedes fomentari desiderant; et post exinanitam a famelico hospite mensam, et miculas ipsas panis post viam detersas, sitim suam sine verecundia hospiti ingerentes, si calix his casu defuerit, rogatur hospes in ipsa patella ut misceat; et postquam ex utraque parte nimietate cibi et potus percalcati usque ad vomitum fuerint, totum laboriosae viae imputant quod gulae lucravit... Ideoque magis eligunt ambulare, et noviter per diversos hospites mutatos, et vatias refectiones, ut per occasionem sitientis viae repropinata pocula sumant. Hoc ergo agunt, ut gulae suae magis quotidie peregrinari videantur quam animae. » Hactenus Magister, quae gyrovago cuidam Philippo nomine exprobrat S. Isidorus Pelusiota (Lib. i, ep. 41): « Loca subinde commutans pinguiorem potius, ut videtur, mensam, quam firmiorem ac solidiorem eruditionem quaerens. » Circa sanctae Regulae textum obiter hic notandum est, S. Patrem non simpliciter dicere gyrovagus gulae servire; sed gulae illecebris: dicitur autem « illecebra, inquit Hildemarus, eo quod illiciat in aliud peccatum: verbi gratia, ex gula nascitur saturitas, ex nimia saturitate aliquando fornicatio.","prev":{"citation":"Regula 1.58.519-536","label":"1.58.519 to 1.58.536","url":"https://interlinea.aeterna-institute.org/library/latin/benedict/regula/1.58.519","api":"https://interlinea.aeterna-institute.org/api/v1/library/latin/benedict/regula/1.58.519"},"next":{"citation":"Regula 1.58.559-581","label":"1.58.559 to 1.58.581","url":"https://interlinea.aeterna-institute.org/library/latin/benedict/regula/1.58.559","api":"https://interlinea.aeterna-institute.org/api/v1/library/latin/benedict/regula/1.58.559"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}