{"kind":"section","lang":"la","language":"Latin","title":"Regula 2.82.68-88","citation":"Benedict, Regula 2.82.68-88","ref":"2.82.68","level":null,"urn":null,"url":"https://interlinea.aeterna-institute.org/library/latin/benedict/regula/2.82.68","api":"https://interlinea.aeterna-institute.org/api/v1/library/latin/benedict/regula/2.82.68","markdown":"https://interlinea.aeterna-institute.org/library/latin/benedict/regula/2.82.68.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":292,"text":"Quid enim prodest multitudo monachorum, ubi virtutum deficit numerus pullulatque multitudo vitiorum? Multiplicasti gentem, inquit propheta Domino, sed non multiplicasti laetitiam. Sane multo aequius esset paucos, sed bonos habere monachos, quam plurimos malos, quorum exemplo corrumpuntur boni, omnisque regularis disciplina pessumdatur; ut merito inter relaxationis in ordine nostro causas, quorumdam abbatum negligentiam, qui non quos aut quales, sed quot haberent monachos curabant, assignarit Mabillonius noster, quod erratum anno imperii 11 in edito brevi Capitularium reprehendit Carolus Magnus his verbis (Praef. ad saec. iv, part. i, n. 140): « Quam utilitatem conferat Ecclesiae Christi, quod is qui pastor vel magister, cujuscunque venerabilis loci esse debet, magis studet in sua conversatione habere multus quam bonos, et non tam probis quam multitudine delectatur? » Non multitudo hominum, sed multitudo bene viventium coenobia sanctificat: imo, sicut paucitas monachorum obest quominus exacte regulae disciplina custodiatur, ita non minus multitudo monasticae observantiae nocet; vix enim in tanta multitudine fieri potest ut aliqui non reperiantur mali, quorum perversis moribus boni et religiosi corrumpuntur. Deinde ubi multi sunt, nonnulli existunt quibus justis licet de causis aliquae exemptiones sunt concedendae, ex quibus sensim et sine sensu rigor observantiae regularis enervatur. Quod praesensisse videtur auctor Vitae S. Stephani Obazinensis abbatis libro i n. 16 (Tom. IV Misc. Baluz.), ubi haec scribit: « Dum minima quaeque praetendimus, majora negligimus; sed et diuturna temporis longinquitate lassati, et cohabitantium multitudine praegravati, a pristino vigore defecimus, et remissius nos negligent usque tractamus; dumque infirmis condescendere volumus, eorum potius negligentiam sectari quam eos ad perfectionem trahere festinamus. » Adde quod in tanta fratrum multitudine vix abbas omnium spiritalibus necessitatibus sufficere possit, cum praesertim eas per se cognoscere sibi haudquaquam vacet. Signantur vero S. Benedictus dixit, gregis sibi commissi, quia, inquit Hildemarus, « non est suus ille grex, sed Domini et sibi commissus;","prev":{"citation":"Regula 2.82.51-67","label":"2.82.51 to 2.82.67","url":"https://interlinea.aeterna-institute.org/library/latin/benedict/regula/2.82.51","api":"https://interlinea.aeterna-institute.org/api/v1/library/latin/benedict/regula/2.82.51"},"next":{"citation":"Regula 2.82.89-117","label":"2.82.89 to 2.82.117","url":"https://interlinea.aeterna-institute.org/library/latin/benedict/regula/2.82.89","api":"https://interlinea.aeterna-institute.org/api/v1/library/latin/benedict/regula/2.82.89"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}