{"kind":"section","lang":"la","language":"Latin","title":"Regula 21.340.90-115","citation":"Benedict, Regula 21.340.90-115","ref":"21.340.90","level":null,"urn":null,"url":"https://interlinea.aeterna-institute.org/library/latin/benedict/regula/21.340.90","api":"https://interlinea.aeterna-institute.org/api/v1/library/latin/benedict/regula/21.340.90","markdown":"https://interlinea.aeterna-institute.org/library/latin/benedict/regula/21.340.90.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":278,"text":"Eligebantur autem decani uti et praepositi, non ad vitam, sed ad tempus solum, ut patet ex Vita S. Liobae, c. 3, ubi de monasterio S. Tettae (Saec. iii Bened., part. ii): « Erat in illo virginum monasterio sanctimonialis quaedam propter disciplinae studium, et arctioris vitae observantiam, qna caeteris praeesse videbatur, saepe praeposita ordinata, frequenter autem decana ex more constituta, etc. » Postea tamen in conc. Aquisgr. statutum est (Can. 56) « ut praepositus, decanus, cellerarius de eorum ministerio nisi causa utilitatis, aut necessitatis no… removeantur. » Quibus tamen verbis non tam perpetuitatem in officiis stabiliti, quam nimis facilem mobilitatem amoveri existimo. Vide Innoc. III Constitut., cap. Cum ad monasterium. De ipsis.] Fratribus scilicet, in quo « manifestat, inquit Hildemarus, quia non debent esse aliunde. » Validam tamen fore electionem, si de alieno fieret monasterio, censet Richardus de S. Angelo, quanquam non expediat. Fratres boni testimonii.] Quod « locum habet quando illi debent eligi, qui non sunt de gremio, inquit praefatus Richardus, quia non sunt eligendi, nisi eos reddat notos laudabile testimonium. » Et sanctae conversationis.] Quod « locum habet, addit idem Richardus, quando eliguntur illi de gremio, quia ex transacta vita sua possumus scire quid de sequenti conversatione praesumamus. » Sed sive de gremio, sive aliunde, et boni testimonii et sanctae conversationis. Boni autem testimonii Nicolaus de Fractura intelligit quantum ad actus: sanctae conversationis quantum ad mores. Et constituantur decani.] Id est ordinentur. Ordinationis vero formulam describit in Regula Mag…ster his verbis (Cap. 11): « Convocatis eisdem decem fratribus ab abbate, praesente omni congregatione, in oratorio susceptione virgae decem illis praeponantur voce abbatis, testimonio Scripturae dicentis: Reges eos in virga, id est in timoris vigore. Item dicente Apostolo: Quid vultis? in virga veniam ad vos an in charitate?","prev":{"citation":"Regula 21.340.60-89","label":"21.340.60 to 21.340.89","url":"https://interlinea.aeterna-institute.org/library/latin/benedict/regula/21.340.60","api":"https://interlinea.aeterna-institute.org/api/v1/library/latin/benedict/regula/21.340.60"},"next":{"citation":"Regula 21.340.116-138","label":"21.340.116 to 21.340.138","url":"https://interlinea.aeterna-institute.org/library/latin/benedict/regula/21.340.116","api":"https://interlinea.aeterna-institute.org/api/v1/library/latin/benedict/regula/21.340.116"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}