{"kind":"section","lang":"la","language":"Latin","title":"Regula 29.389.89-105","citation":"Benedict, Regula 29.389.89-105","ref":"29.389.89","level":null,"urn":null,"url":"https://interlinea.aeterna-institute.org/library/latin/benedict/regula/29.389.89","api":"https://interlinea.aeterna-institute.org/api/v1/library/latin/benedict/regula/29.389.89","markdown":"https://interlinea.aeterna-institute.org/library/latin/benedict/regula/29.389.89.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":289,"text":"Porro isti a prima die sustentationis per quadraginta dies sustineant in victualibus disciplinas; postquam vero conventui sociati fuerint, per vigin i dies disciplinentur: monachi sc licet post vesperas, laici diebus ferialibus post matutinas, et festivis post vesperas, ut dictum est de criminosis, et per viginti dies comedant ad terram in refectorio, sicut criminosi, et per annum sustineant praedictam generalem or linis disciplinam, nec habeant obedientiam, nec vocem in conventu, nec contra aliquem, ut supra dictum est de criminosis, donec per capitulum generale concedatur. Qui cum semel reconciliati fuerint, amittent quantum ad locum annos, quos extra ordinem nostrum expenderunt, illique tantum anni, quos in ordine fecerant, reddentur eis. Si autem bis reconciliati fuerint, omnium, quos invenerint, semper ultimi erunt. Post tertiam reconciliationem, sciant omnes tam clerici quam laici, omnem sibi reconciliationis aditum secundum B. Benedicti dicta denegari. Ex mss. Statutis S. Stephani Grandimontensis, aliorumque ejus successorum pastorum a Guillelmo Pellicerii primo abbate Grandimontensi collectis, cap. 11. Quicunque frater ordinis nostri ultra dies tres exiverit de or…ine, nunquam recipiatur ulterius in ordine, nisi per capitulum generale. Et novitii, qui infra annum suae probationis a nostro ordine exiverint, ulterius in nostro ordine minime admittantur, nisi de consensu capituli generalis. Fugitivi ab ordine per annum verberentur in capitulo omnibus diebus dominicis, et in omni sexta feria sint in pane et aqua, et sedeant in solio [f. solo] refectorii refectionis tempore, et in ecclesia ad horas, et in capitulo dum capitulum tenebitur, in inferioribus sedibus sient per annum. Ex ms. Constitutione Clementis V papae pro ordine Grandimontensi. Fugitivi autem de dicto ordine, si ad ordinem ipsum reversi fuerint, per triennium ad aliquam administrationem vel officium in eodem ordine habere non possint, nec prior vel definitores secum super hoc durante dicto triennio valeant dispensare.","prev":{"citation":"Regula 29.389.75-88","label":"29.389.75 to 29.389.88","url":"https://interlinea.aeterna-institute.org/library/latin/benedict/regula/29.389.75","api":"https://interlinea.aeterna-institute.org/api/v1/library/latin/benedict/regula/29.389.75"},"next":{"citation":"Regula 29.389.106-122","label":"29.389.106 to 29.389.122","url":"https://interlinea.aeterna-institute.org/library/latin/benedict/regula/29.389.106","api":"https://interlinea.aeterna-institute.org/api/v1/library/latin/benedict/regula/29.389.106"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}