{"kind":"section","lang":"la","language":"Latin","title":"Regula 31.403.152-170","citation":"Benedict, Regula 31.403.152-170","ref":"31.403.152","level":null,"urn":null,"url":"https://interlinea.aeterna-institute.org/library/latin/benedict/regula/31.403.152","api":"https://interlinea.aeterna-institute.org/api/v1/library/latin/benedict/regula/31.403.152","markdown":"https://interlinea.aeterna-institute.org/library/latin/benedict/regula/31.403.152.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":281,"text":"et item: Da, ne cui non dederis, ipse sit Christus. » Utrorumque autem et hospitum et pauperum omni prorsus admiratione dignam solicitudinem gerebat B. Raingardis (Petr. Vener. lib. ii, ep. 17), « Hos honorifice suscipiens, istis sollicite providens; ut nec illis congrua, nec istis deessent necessaria. Cura tamen propensior circa pauperes erat, quorum egestas in corde mulieris sanctae praeponderabat, ut quos major premebat indigentia, major illis adhiberetur prae aliis diligentia. Ea de causa si quid de commissa obedientia superesse poterat, in usus eorum devote expendebat. Erogabantur frequentes eleemosynae, vestes pro posse parabantur, aut emebantur novae, aut veteres sororibus subreptae dabantur, omnibus secundum Evangelium petentibus absque quaestione quidquid cibi vel indumenti undequaque corrodere poterat, tribuebat: quosdam vero, quos filios ludens vocabat, quotidiano victu et sumptibus reficiebat: pausabat in eis mens dedita Deo. et velut ab antiquis mundi laboribus requiescebat, nunc tandem reputans invenisse se locum Domino, tabernaculum Deo Jacob; quidquid enim in pauperes dispergebat, sibi totum congregari gaudebat, sciens proprium lucrum esse, quod ab aliis credebatur substantiae detrimentum. » Egregium plane charitatis in pauperes sanctae mulieris exemplum quod utinam bene imitentur cellerarii. Omnia vasa monasterii cunctamque substantiam, ac si ultaris vasa sacrata conspiciat.] Haec verba non secundum omnimodam simili udmem accipienda esse docent antiqui Regulae commentatores, Hildemarus, Bernardus Cassinensis, et Boherius, sed respective, ut sic tractentur secundum sui valorem, sicut sacra vasa secundum sui dignitatem. Verum, ut mihi videtur, non ita recte ad mentem S. P. Benedicti veterumque monachorum, qui res monasterii habebant non tanquam indifferentes, sed ut sanctificatas ac Deo vere sacratas, sicuti patet ex Regula SS. Patrum Serapionis, Macarii, Paphnutii et alterius Macarii: « Nosse debent etiam fratres, quia quidquid in monasterio tractatur, sive in vasis, sive in ferramentis, vel caetera omnia esse sanctificata.","prev":{"citation":"Regula 31.403.121-151","label":"31.403.121 to 31.403.151","url":"https://interlinea.aeterna-institute.org/library/latin/benedict/regula/31.403.121","api":"https://interlinea.aeterna-institute.org/api/v1/library/latin/benedict/regula/31.403.121"},"next":{"citation":"Regula 31.403.171-198","label":"31.403.171 to 31.403.198","url":"https://interlinea.aeterna-institute.org/library/latin/benedict/regula/31.403.171","api":"https://interlinea.aeterna-institute.org/api/v1/library/latin/benedict/regula/31.403.171"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}