{"kind":"section","lang":"la","language":"Latin","title":"Regula 31.403.99-120","citation":"Benedict, Regula 31.403.99-120","ref":"31.403.99","level":null,"urn":null,"url":"https://interlinea.aeterna-institute.org/library/latin/benedict/regula/31.403.99","api":"https://interlinea.aeterna-institute.org/api/v1/library/latin/benedict/regula/31.403.99","markdown":"https://interlinea.aeterna-institute.org/library/latin/benedict/regula/31.403.99.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":287,"text":"» Eadem ratione Regula Magistri praescribit (Cap. 16), ut « quotidie cellerarius cum septimanariis coram abbate in oratorio cum congregatione communicet, » ne forte praetextu rerum gerendarum a coelesti pane sumendo abstineret; quo magis omnibus indiget, ut in fortitudine cibi illius ambulet feliciter per invia et inaquosa rerum temporalium, neve contabesceret cor illius intra se, si oblivisceretur comedere panem suum. Memor illius apostolici, quia qui bene ministraverit gradum bonum sibi acquirit ] Ita etiam Regula SS. Serapionis, Macarii, Paphnutii et alterius Macarii: « Studere debet qui huic officio deputatur, ut audiat. quia qui bene ministraverit, bonum gradum sibi acquirit, et animae suae lucrum facit. » Infirmorum, infantium, hospitum pauperumque cum sollicitudine curam gerat. ] Quatuor hic potissimum curae ac sollicitudini cellerarii S. P. Benedictus committit. Primo infirm s, quorum curam ante omnia et super omnia adhiberi voluit, ut sicut revera Christo, ita eis serviatur; praecipitque abbatem attendere ne a cellerariis aut servitoribus negligantur. Eadem mente Orientalis Regula praescribit (Cap. 25) ut cellerarius « nihil agrotantium desideriis neget, ex his quae habue it, quantum necesse fuerit. » Et antiquae Cluniacensis monasterii consuitudines apud Udalricum (Lib. iii, c. l8): « Si quis fratrum adeo est infirmus ut de ledo surgere non possit, ad hunc quotidie summo diluculo simul cum infinnario venit cellerarius, et de omnibus quae habere potest sciscitatur ab eo, quid sit, quod sibi videatur, ut praeparet ad ejus recreationem. » Et iterum (Lib. iii, c. 11): « Si quis dederit nobis decem solidos, aut pauciores, hi semper cellerario sunt deputati ad hoc tantum ut fratribus infirmioribus vel aliquantulum delicatis, absque hoc quod general ter omnibus datur, aliquam possit impend re charitatem. » Mirum prorsus est quanta sollicitudine hanc regulae partem observaret 8. Raingardis in Marcinianensi monasterio olini sanctimonialis el celleraria, quae, ut scribit venerabilis ejus filius Petrus abbas Cluniacensis (Lib.","prev":{"citation":"Regula 31.403.83-98","label":"31.403.83 to 31.403.98","url":"https://interlinea.aeterna-institute.org/library/latin/benedict/regula/31.403.83","api":"https://interlinea.aeterna-institute.org/api/v1/library/latin/benedict/regula/31.403.83"},"next":{"citation":"Regula 31.403.121-151","label":"31.403.121 to 31.403.151","url":"https://interlinea.aeterna-institute.org/library/latin/benedict/regula/31.403.121","api":"https://interlinea.aeterna-institute.org/api/v1/library/latin/benedict/regula/31.403.121"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}