{"kind":"section","lang":"la","language":"Latin","title":"Regula 33.425.340-372","citation":"Benedict, Regula 33.425.340-372","ref":"33.425.340","level":null,"urn":null,"url":"https://interlinea.aeterna-institute.org/library/latin/benedict/regula/33.425.340","api":"https://interlinea.aeterna-institute.org/api/v1/library/latin/benedict/regula/33.425.340","markdown":"https://interlinea.aeterna-institute.org/library/latin/benedict/regula/33.425.340.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":288,"text":"» S. Donatus (Regul. c. 8): « Si quae hoc nequissimo vitio deprehensa fuerit delectari; tribus superpositionibus poeniteat. » Regula Cujusdam ad monachos (Cap. 17): « Si quis in hoc vitio existat insanabilis, expellendus est ab universis fratribus: quonium vitium philargyriae gravissimum est prae omnibus vitiis. » Regula Cujusdam ad virgines quasi explicans S. Benedicti mentem (Cap. 17): « Quod si huic vitio aliqua sororum delectari luerit deprehensa, et post primam, secundam, vel tertiam correctionem emendare noluerit, disciplinae regulari subjaceat. » Denique Regula Magistri (Cap. 82): « Si quod ergo peculiare inventum in aliquo fuerit, grandi eum abbas et diuturna excommunicatione condemnet, ut exemplo illius vindictae nullus audeat imitari. » Et haec ex veterum monachorum regutis: venio ad summorum pontificum decreta. In primis S. Gregorius Constantium quemdam, in abbatem cujusdam monasterii electum, ordinari recusavit, eo quod peculiaritati studeret, et solus pergere praesumpsisset, quemadmodum ipse testatue (Lib. x, epist. 22). Innocentius autem III, in sua decretali ita habet (Cap. Cum ad monast.): « Si quis aliquid habeat proprii, totum in continenti resignet. Si vero post hoc propriatatem aliquam fuerit deprehensus habere, regulari modo praedicto de monasterio expellatur, nec recipiatur ulterius, nisi poeniteat secundum monasticam disciplinam. Quod si proprietas apud quemquam inventa fuerit in morte, ipsa cum eo in signum proditionis extra monasterium in sterquilimo subterretur (sic), secundum quod B. Gregorius narrat se fecisse in dialogo. » Gregorii factum offendes in lib. iv Dialog., cap. 55. Simile reperies in Vita S. Leufredi, abbatis Madriacensis. n. 23. Ab Innocentio haud discrepare videtur Gregorius IX, cum in constitutione pro monachis Benedictinis statuit, ut « monachi proprietarii excommunicetur ab abbatibus suis; et si in morte inventus fuerit proprietarius, ecclesiastica careat sepultura. Nulli autem prorsus nisi pro officio sibi commisso arcam cum clave habere liceat absque licentia abbatis sui; et quotres abbas hanc petierit, eidem tradatur.","prev":{"citation":"Regula 33.425.314-339","label":"33.425.314 to 33.425.339","url":"https://interlinea.aeterna-institute.org/library/latin/benedict/regula/33.425.314","api":"https://interlinea.aeterna-institute.org/api/v1/library/latin/benedict/regula/33.425.314"},"next":{"citation":"Regula 33.425.373-397","label":"33.425.373 to 33.425.397","url":"https://interlinea.aeterna-institute.org/library/latin/benedict/regula/33.425.373","api":"https://interlinea.aeterna-institute.org/api/v1/library/latin/benedict/regula/33.425.373"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}