{"kind":"section","lang":"la","language":"Latin","title":"Regula 37.14","citation":"Benedict, Regula 37.14","ref":"37.14","level":null,"urn":null,"url":"https://interlinea.aeterna-institute.org/library/latin/benedict/regula/37.14","api":"https://interlinea.aeterna-institute.org/api/v1/library/latin/benedict/regula/37.14","markdown":"https://interlinea.aeterna-institute.org/library/latin/benedict/regula/37.14.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":185,"text":"Sed sit in eis pia consideratio, et proeveniant horas canonicas.] Id est regulares, quibus fratres comedere solent, uti exponunt commentatores, et ipsa nominis significatio demonstrat; nam χανών Graece regula Latine, et χανωνιχός- regularis redditur; « ac si diceret aliis verbis, inquit Hildemarus, antequam alii fratres manducent comedant prius, infantes videlicet et senes: » Expressius Smaragdus: « Si fratres sexta comedunt, illi tertia hora reficiant; si fratres nona, illi sexta cibum accipiant. » Quod non de integra refectione, sed de refectiuncula, quam vulgo jentaculum vocant, intelligendum censeo; nam postea etiam cum aliis licet in minori ciborum quantitate reficiebantur. De hac refectiuncula ita Udalricus (Lib. iii, c. 8): Pueri « post majorem missam accipiunt mixtum; aut si est dies jejunii, vel in hieme, talisque dies, in quo nonnisi semel comedatur, tunc post tertiam. A calendis Octobris usque ad Quadragesimam, si, ut dixi, semel comeditur, non est illorum prandium de solo pane, sed etiam qualecunque sit apponitur eis. » Additque: « Per totam aestatem in diebus dominicis ad coenam impenditur illis misericordia de lacte. Si quis eorum adeo est parvus, ut opus habeat, in ipso claustro, ubi sedet, summo diluculo apportatur ei panis et vinum. »","prev":{"citation":"Regula 37.13","label":"Chapter 37","url":"https://interlinea.aeterna-institute.org/library/latin/benedict/regula/37.13","api":"https://interlinea.aeterna-institute.org/api/v1/library/latin/benedict/regula/37.13"},"next":{"citation":"Regula 38.484","label":"Chapter 38","url":"https://interlinea.aeterna-institute.org/library/latin/benedict/regula/38.484","api":"https://interlinea.aeterna-institute.org/api/v1/library/latin/benedict/regula/38.484"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}