{"kind":"section","lang":"la","language":"Latin","title":"Regula 38.489.216-237","citation":"Benedict, Regula 38.489.216-237","ref":"38.489.216","level":null,"urn":null,"url":"https://interlinea.aeterna-institute.org/library/latin/benedict/regula/38.489.216","api":"https://interlinea.aeterna-institute.org/api/v1/library/latin/benedict/regula/38.489.216","markdown":"https://interlinea.aeterna-institute.org/library/latin/benedict/regula/38.489.216.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":288,"text":"Quae sane laudata consuetudo omnibus probatur, sumpsitque originem ex institutione B. Benedicti. Instituit namque vir ille sanctissimus ob eamdem causam, ut illi qui aliis fratribus debent in prandio post communionem minis rare, aliquid prius comederent. Atque hoc quidem prandium mixtum app…llari solet. » Similis institutio vigebat olim in Suessionensi S. Gervasii cathedrali ecclesia, in cujus antiquo rituali tempore Nivelonis episcopi manu extato, ad diem sacrum Paschae praescriptum legitur, ut « paretur mensa quaedam a custodibus ad cornu alraris quod respicit ad aquilonem, et cooperiatur mappa mundissima, quae vestiatur vasis de auro et argento, in nonnullis autem vas rum vinum infundatur super mappam, praeterea plures oblatae ponantur, ad quam mensam, inquit paulo post, debent omnes qui communicavesint venire ut de oblatis et vino respurgat cuisque os suum. » Adde quod mixtum non propter communionem solum, sed etiam ne grave sit sustinere jejunium, datur. Nec plus urget quod dicit Regulam Magistri merum duntaxat lectori indulgere, cap. 24, nam ternas panis buccellas mero intinctas concedit cap. 27. Nec est quod quis dicat eos quos citavimus auctores locutos fuisse juxta sui morem monasterii. Nam praeter quam quod contra generalem omnium monasteriorum consuetudinem, ab nongentis et eo amplius annis conservatam, nullus rerum aequus aestimator sine auctoritate et ratione insurgere debet; certe Smaragdus et Hildemarus haud multo post synodum Aquisgr. scribebant, in qua synodo statutum fuerat (Can. 29), « ut lectori nihil, nisi quod Regula jubet, detur. » Quos proinde aequum est credere ad concilii mentem locutos fuisse. Hunc concilii Aquisgranensis canonem renovarunt postea etiam Divionenses S. Benigni Consuetud. mss. in quibus legitur (Cap. 37): « Idem vero lector hebdomadarius ante generalem refectionem cum cocis juxta praescriptum B. Benedicti de pane et vino tantum praelibat, sicut et cellerarius custosque ecclesiae, qui consuetudinali er post majorem missam mixtum accipere solent.","prev":{"citation":"Regula 38.489.196-215","label":"38.489.196 to 38.489.215","url":"https://interlinea.aeterna-institute.org/library/latin/benedict/regula/38.489.196","api":"https://interlinea.aeterna-institute.org/api/v1/library/latin/benedict/regula/38.489.196"},"next":{"citation":"Regula 38.489.238-262","label":"38.489.238 to 38.489.262","url":"https://interlinea.aeterna-institute.org/library/latin/benedict/regula/38.489.238","api":"https://interlinea.aeterna-institute.org/api/v1/library/latin/benedict/regula/38.489.238"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}