{"kind":"section","lang":"la","language":"Latin","title":"Regula 38.489.263-286","citation":"Benedict, Regula 38.489.263-286","ref":"38.489.263","level":null,"urn":null,"url":"https://interlinea.aeterna-institute.org/library/latin/benedict/regula/38.489.263","api":"https://interlinea.aeterna-institute.org/api/v1/library/latin/benedict/regula/38.489.263","markdown":"https://interlinea.aeterna-institute.org/library/latin/benedict/regula/38.489.263.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":286,"text":"Propter communionem sanctam, et ne forte grave sit ei jejunium sustinere.] Reddit rationem quare mixtum sumere lectori permittat, scilicet: 1° propter communionem sanctam, 2° propter jejunii laborem. Sed quod ait propter communionem sanctam varie intelligunt recentiores Regulae commentatores. Richardus de S. Angelo, praepositus Vallis Lucis, qui saeculo xiv ineuntescribebat, duplicem hujus loci adducit expositionem: « Communionem sanctam, inquit, id est sanctam congregationem; quasi dicat, ne deficiat sanctae congregationi in legendo; quia communio derivari potest a communi, et ubi communitas, ibi congregatio, quae derivatur a creundo, quasi conveniendo in unum, ut 15 dist. canones generalium in fine. Ergo recte taliter potest exponi; et illud ne, quod sequitur, expone pro non, et supple quasi diceret, ne deficiat congregationi, ut dictum est, et non sit grave jejunium sustinere, ut sequiter. Vel dicas secundum quosdam communionem sanctam, id est ne de corpore et sanguine Domini sumpto projiciat in sputo; quia secundum quod audivi, autqui quolibet die recipiebant corpus Christi, quod hodie sublatum est; sed ipsum sumimus certis festivitatibus in anno; laici vero semel in anno, ut extra de pe, et re. cap. Omnis. Sed haec expositio non videtur bona, quia carpus Christi postquam sumptum est statim incorporatur, et projici non potest, nec in secessum diffundi, ut de Cons. Dist. 2. Tribus gradibus. Sed ut salvemus opinionem eorum qui haec dicunt, dicemus quod hoc faciebant ob reverentiam corporis Christi sumpti, seu ad majorem securitatem, ne posset projici; quia scriptum est: tene certum et dimitte incertum. » Tertiam addit Turrecremata: « Propter communionem, scilicet servandam benevolentiae et amoris, quam servare non videtur, qui cum murmure servit fratribus suis. » Similiter Gallicus dissertator de hemina vini et libra panis in secunda libri sui editione, non de communione eucharistica S. Benedictum intelligit, sed de communione precum et charitatis;","prev":{"citation":"Regula 38.489.238-262","label":"38.489.238 to 38.489.262","url":"https://interlinea.aeterna-institute.org/library/latin/benedict/regula/38.489.238","api":"https://interlinea.aeterna-institute.org/api/v1/library/latin/benedict/regula/38.489.238"},"next":{"citation":"Regula 38.489.287-306","label":"38.489.287 to 38.489.306","url":"https://interlinea.aeterna-institute.org/library/latin/benedict/regula/38.489.287","api":"https://interlinea.aeterna-institute.org/api/v1/library/latin/benedict/regula/38.489.287"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}