{"kind":"section","lang":"la","language":"Latin","title":"Regula 38.489.307-325","citation":"Benedict, Regula 38.489.307-325","ref":"38.489.307","level":null,"urn":null,"url":"https://interlinea.aeterna-institute.org/library/latin/benedict/regula/38.489.307","api":"https://interlinea.aeterna-institute.org/api/v1/library/latin/benedict/regula/38.489.307","markdown":"https://interlinea.aeterna-institute.org/library/latin/benedict/regula/38.489.307.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":279,"text":"His omnibus accenseri potest Hildemarus antiquus Regulae commentator qui missae et communionis vocabula hoc capite secundum proprietatem a S. Benedicto posita esse asserit, hoc est pro sacrificio et communione eucharistica, uti se ipsum explicat. Praetermittere haud possum antiquissimum scriptorem Amalarium, qui in suo ad librum de Divinis Officiis supplemento (Analect. tom. II), S. Benedictum nostro sensu intelligit: « De reverentia, inquit, corporis ac sanguinis Domini in nullo dissentire credatur idem S. Benedictus a scriptis B. papae Clementis, quibus jubetur ut discernatur a carnali spiritualis cibus communionis; ut si quis communicat hora tertia, non statim indifferenter terrenum praesumat cibum ob reverentiam mensae coelestis, sed exspectare debeat horam sextam; qui circa vero sextam, sustinere curet nonam, ne gustus coelestis ob terrenum vilescat. Sanctus vero Benedictus lectorem jubet cibari ante moram lectionis recitandae, propter, inquit, communionem sanctam; quod apostolicis decretis contrarium non est, etc. » Supervacaneum est iterum referre Joannis Belethi doctoris Parisiensis, qui annis abhinc circiter quingentis scribebat, testimonium; quod superius relatum lector videre potest. Denique his omnibus superaddi queunt vetustissimae Versiones Gallicae. Antiqua ex ms. Conchensi propter communionem ita reddit: Pour la sainte communion, c'est-à dire pour le corps de nostre Seigneur, que l'en seult recevoir à la messe, Expositio Theobaldi Artaldi Coelestini: Pour la sainte communion, que le liseur a reçû nagueres en la messe, etc. Versio Guidonis Juvenalis: Pour la sainte communion, qu'il a reçuë, afin qu'il ne demeure rien entre les dents ou ailleurs, qu'on peut gecter en lisant pour les fleumes qui viennent. Expositio Matthiae Lamberti: A cause de la sainte communion, de peur qu'en crachant il advienne quolque irreverance à icelle pour les flegmes qu'il pourroit jetter en lisant.","prev":{"citation":"Regula 38.489.287-306","label":"38.489.287 to 38.489.306","url":"https://interlinea.aeterna-institute.org/library/latin/benedict/regula/38.489.287","api":"https://interlinea.aeterna-institute.org/api/v1/library/latin/benedict/regula/38.489.287"},"next":{"citation":"Regula 38.489.326-353","label":"38.489.326 to 38.489.353","url":"https://interlinea.aeterna-institute.org/library/latin/benedict/regula/38.489.326","api":"https://interlinea.aeterna-institute.org/api/v1/library/latin/benedict/regula/38.489.326"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}