{"kind":"section","lang":"la","language":"Latin","title":"Regula 4.1-30","citation":"Benedict, Regula 4.1-30","ref":"4.1","level":null,"urn":null,"url":"https://interlinea.aeterna-institute.org/library/latin/benedict/regula/4.1","api":"https://interlinea.aeterna-institute.org/api/v1/library/latin/benedict/regula/4.1","markdown":"https://interlinea.aeterna-institute.org/library/latin/benedict/regula/4.1.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":191,"text":"Quae sint instrumenta bonorum operum. imprimis Dominum Deum diligere ex toto corde, tota anima, tota virtute (Luc. x). Deinde, proximum tanquam scipsum. Deinde, non occidere (Matth. v). Non adulterari (Levit. xix). Non facere furtum (Exod. xx) Non concupiscere (Deut. v). Non falsum testimonium dicere (II Petr. ii). Honorare omnes homines (Luc. ix). Et quod sibi quis fieri non vult, alii non faciat (Tob. iv). Abnegare semetipsum sibi, ut sequatur Christum (Matth. vii). Corpus castigare (I Cor. ix). Delicias non amplecti (II Petr. ii). Jejunium amare (Dan. i). Pauperes recreare (Tob. iv). Nudum vestire (Isai. lviii). Infirmum visitare (Matth. xxv). Mortuum sepelire (Tob. i). In tribulatione subvenire (Eccl. vi). Dolentem consolari (Eccl. vii). A saeculi actibus se facere alienum (II Tim. ii). Nihil amori Christi praeponere (Matth. x). Iram non perficere (Matth. v). Iracundiae tempus non reservare (Ephes. iv). Dolum in corde non tenere (Prov. xii). Pacem falsam non dare (Psal. xxvii). Charitatem non derelinquere (I Petr. i ). Non jurare, ne forte perjuret (Matth. v). Veritatem ex corde et ore proferre (Psal. xiv). Malum pro malo non reddere (I Thess. v). Injuriam non facere; sed et factam patienter sufferre (I Cor. vi).","prev":{"citation":"Regula 3.99.364-381","label":"3.99.364 to 3.99.381","url":"https://interlinea.aeterna-institute.org/library/latin/benedict/regula/3.99.364","api":"https://interlinea.aeterna-institute.org/api/v1/library/latin/benedict/regula/3.99.364"},"next":{"citation":"Regula 4.103.1-71","label":"4.103.1 to 4.103.71","url":"https://interlinea.aeterna-institute.org/library/latin/benedict/regula/4.103.1","api":"https://interlinea.aeterna-institute.org/api/v1/library/latin/benedict/regula/4.103.1"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}