{"kind":"section","lang":"la","language":"Latin","title":"Regula 4.117.54-79","citation":"Benedict, Regula 4.117.54-79","ref":"4.117.54","level":null,"urn":null,"url":"https://interlinea.aeterna-institute.org/library/latin/benedict/regula/4.117.54","api":"https://interlinea.aeterna-institute.org/api/v1/library/latin/benedict/regula/4.117.54","markdown":"https://interlinea.aeterna-institute.org/library/latin/benedict/regula/4.117.54.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":280,"text":"qui enim suis abrenuntiat, sua abnegat; qui vero pravis moribus abrenuntiat, semetipsum abnegat. » Vel etiam abnegare semelipsum est, non solum illicita relinquere, pravos mores exuere; sed etiam a licitis abstinere, corpus castigare, crucem ferre; quo sensu intelligendus est Petrus Damiani, cum relatis Evangelii verbis: Si quis vult venire post me abneget semetipsum, etc., dicit (Serm. 47): « Audi consilium, non praeceptum; si enim praeceptum esset, quicunque effectui non manciparent, cruciatus possent exspectare perpetuos: sed cum dicit: Si quis vult, in nostra posuit voluntate, utrum ex aequo cum eo currere festinemus. Grandis profecto labor, sed praemium incomparabile; » nam semper est praeceptum pravos exuere mo es, illicita fugere, vitia relinquere, nec unquam licebit contrarium agere. Verum non tantum B. Benedictus dixit: abnegare semetipsum, sed addit sibi: quod Menordus explicat « apud se, in sua conscientia, non coram hominibus.» Additque: « Et haec phrasis est S. Benedicto familiaris, ut cap. 7 Regulae: dicem sibi cum propheta; et cap. 52, ut frater, qui forte sibi pecutiariter volt orare, etc. » Vel etiam illud sibi sic potest intelligi, quia aliis abnegare semetipsum nunquam licet, sibi vero, quantum discretionis leges patiuntur, semper decet: totum se Deo, totum proximo se dare debet: at vero sibi semetipsum negare potest et debet, si perfecte vivere desiderat. Vel denique sibi, id est pro se, ad propriam utilitatem; quia quidquid praemii aut mercedis ex hac sequitur abnegatione, sibi, non aliis cedit. Subdit S. Benedictus: Ut sequatur Christum, id est ut cum imitetur. Hic venit in mentem quod ait S. Bernardus (Serm. 62 de Divers.): « Quidam sunt qui non sequuntur Christum, sed fugiunt; alii non sequuntur, sed praeeunt; nonnulli sequuntur, sed non assequuntur, alii vero sequuntur, et assequuntur. Non sequuntur, sed fugtunt, qui nondum peccare desistunt...","prev":{"citation":"Regula 4.117.28-53","label":"4.117.28 to 4.117.53","url":"https://interlinea.aeterna-institute.org/library/latin/benedict/regula/4.117.28","api":"https://interlinea.aeterna-institute.org/api/v1/library/latin/benedict/regula/4.117.28"},"next":{"citation":"Regula 4.117.80-105","label":"4.117.80 to 4.117.105","url":"https://interlinea.aeterna-institute.org/library/latin/benedict/regula/4.117.80","api":"https://interlinea.aeterna-institute.org/api/v1/library/latin/benedict/regula/4.117.80"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}