{"kind":"section","lang":"la","language":"Latin","title":"Regula 4.117.80-105","citation":"Benedict, Regula 4.117.80-105","ref":"4.117.80","level":null,"urn":null,"url":"https://interlinea.aeterna-institute.org/library/latin/benedict/regula/4.117.80","api":"https://interlinea.aeterna-institute.org/api/v1/library/latin/benedict/regula/4.117.80","markdown":"https://interlinea.aeterna-institute.org/library/latin/benedict/regula/4.117.80.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":287,"text":"Non sequuntur, sed praeeunt, qui magistrorum sententiis suas praeferunt... Sequuntur et non assequuntur, qui segniter ac remisse agunt, et usque ad finem non perseverantes de medio itinere revertuntur... Sequuntur et consequuntur; qui viam humilitatis ejus devoto mentis affectu perseveranter imitantur: hujusmodi vere sequuntur Dominum. Qui mihi ministrat me sequatur, id est me imitetur: quo fructu? ut ubi sum ego, inquit, ibi sit et minister meus: fructus itaque hujus imitationis mansio est aeternae beatitudinis. » Corpus castigare. Delicias non amplecti.] Summam hoc duplici instrumento S. Pater mortificationis perfectionem complectitur, quae tota sita est in sustinentia laborum et abstinentia deliciarum, de quibus S. Augustinus (Serm. 38 de Script.): « Duo sunt, inquit, quae in hac vita veluti laboriosa praecipiuntur a Domino: continere et sustinere; jubemur enim continere ab his quae in mundo dicuntur bona, et sustinere ea quae in hoc mundo abundant mala. Illa continentia, ista sustinentia vocantur duae virantes quae mundant animam et capaces faciunt Divinitatis. » Primo, itaque jubemur corpus castigare, ad instar Apostoli, qui, uti ipse dicebat, corpus castigabat et in servitutem redigebat; cujus exemplum perfecte imitabatur B. Raingardis, mater B. Petri Venerabilis, de qua haec ipse refert (Lib. ii, ep. 17): « Vigiliis et jejuniis immanem corpori pe secutionem indixit, et in tantum his et aliis laboribus vires et carnes exhausit, ut carnibus exinanita, cute ossibus inhaerente, mihi post aliquos annos Marciniacum advenienti, ut filio mater alludens, secreto diceret: Gratias Deo, quia superflua mundi amisi; veteres carnes, quibus saeculo servieram, perdidi; jam novas induam, quibus nova Deo obsequia impendam. » Notant autem h?c commentatores recte praecipi a S. P. Benedicto corpus castigare, non occidere; quia cum discretione est affligendum, ut possit reliquis vitae monasticae exercitiis sufficere. Sed ista discretio non ex carnis prudentia, sed ex superioris charitate procedere debet;","prev":{"citation":"Regula 4.117.54-79","label":"4.117.54 to 4.117.79","url":"https://interlinea.aeterna-institute.org/library/latin/benedict/regula/4.117.54","api":"https://interlinea.aeterna-institute.org/api/v1/library/latin/benedict/regula/4.117.54"},"next":{"citation":"Regula 4.117.106-121","label":"4.117.106 to 4.117.121","url":"https://interlinea.aeterna-institute.org/library/latin/benedict/regula/4.117.106","api":"https://interlinea.aeterna-institute.org/api/v1/library/latin/benedict/regula/4.117.106"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}