{"kind":"section","lang":"la","language":"Latin","title":"Regula 4.131.322-340","citation":"Benedict, Regula 4.131.322-340","ref":"4.131.322","level":null,"urn":null,"url":"https://interlinea.aeterna-institute.org/library/latin/benedict/regula/4.131.322","api":"https://interlinea.aeterna-institute.org/api/v1/library/latin/benedict/regula/4.131.322","markdown":"https://interlinea.aeterna-institute.org/library/latin/benedict/regula/4.131.322.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":302,"text":"» Vide ejusdem Serm. 12 et 19, de Diversis, et 33 in Cantica. Mortem quotidie ante oculos suspectam habere.] Quam utilis sil quotidiana trequensque meditatio mortis, quam mortem quotidianam vocat S. Joannes Climacus (Grad. 6), idem ipse describ?t elegantibus bis verbis: « Quemadmodum ex omni genere ciborum panis est maxime necessarius, ita ex omnibus actionibus mortis meditatio. Mortis recordatio in his qui in communi fratrum conversantur, parit labores et pias exercitationes, imo vero contemptus desiderium et dulcedinem: his vero qui extra turbas in solitudiue degunt, offert curarum omnium neglectum, et suggerit perpetuas preces, mentisque custodiam.... Vera mortis et efficax medilatio gulam omnino necat, gula autem victa, jacent simul omnia vitia victa. » Et sub finem ejusdem gradus: « Fieri non potest, inquit non nemo, fieri non potest, ut praesentem diem satis pie religioseque transigamus, nisi illum ipsum diem totius vitae supremum ultimumque existimemus: et sane permirum est quomodo et pagani scriptores (Plato et Seneca) aliquid id genus pronuntiarint, qui studium sapientiae nihil aliud esse dixerunt, quam meditationem mortis. » Eadem videtur fuisse mens et sententia Evagiri, cum dixit: « Ita semper paratus esse debet monachus, quasi sequenti die sit moriturus; rursusque ita corpore suo uti, ac si per multos annos cum eo victurus. » Eadem et S. Antonii, cujus Regula n. 41 haec scribit: « Cogita apud teipsum, et dicito: Utique non manebo in hoc mundo, nisi praesenti hac die, et non peccabis Deo. » Eadem leguntur in Regula abbatis Isaiae, n. 12. S. Pachomius etiam mortis memoriam frequenter commendabat, dicebatque (In ejus Vita c. 46): « Qui semper haec cogitat, puritatem mentis obtinet, humilitatem cordis acquirit, vanam gloriam respuit, omni saeculari prudentia carere contendit. » Plane usque adeo necessariam mortis memoriam duxerunt antiqui Patres nostri, ut quo firmius monachorum menti adhaereret, in ecclesia aut claustro apertum semper haberi sepulcrum voluerint, quod olim ordini Benedictino in usu fuisse testatur Haeftenus (In com.","prev":{"citation":"Regula 4.131.298-321","label":"4.131.298 to 4.131.321","url":"https://interlinea.aeterna-institute.org/library/latin/benedict/regula/4.131.298","api":"https://interlinea.aeterna-institute.org/api/v1/library/latin/benedict/regula/4.131.298"},"next":{"citation":"Regula 4.131.341-370","label":"4.131.341 to 4.131.370","url":"https://interlinea.aeterna-institute.org/library/latin/benedict/regula/4.131.341","api":"https://interlinea.aeterna-institute.org/api/v1/library/latin/benedict/regula/4.131.341"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}