{"kind":"section","lang":"la","language":"Latin","title":"Regula 4.154.138-154","citation":"Benedict, Regula 4.154.138-154","ref":"4.154.138","level":null,"urn":null,"url":"https://interlinea.aeterna-institute.org/library/latin/benedict/regula/4.154.138","api":"https://interlinea.aeterna-institute.org/api/v1/library/latin/benedict/regula/4.154.138","markdown":"https://interlinea.aeterna-institute.org/library/latin/benedict/regula/4.154.138.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":288,"text":"» ex supra citata Justiniani novella, quae nequidem ad celebrandum tertium, nonum, quadragesimum, et annuum defunctorum diem, ad monasteria virorum feminis permittit ingressum; ex Gregorio Turonensi, referente S. Romanum abbatem Condatisceosem, ut mulieribus ad suum sepudcrum, quod Deo revelante noverat miraculis coruscaturum, pateret accessus, voluisse extra propriam ecclesiam sepultura donari, « Non potest fieri, inquiens, ut ego in monasterio sepulcrum habeam, a quo mulierum arcetur accessus. » Atque hic fuit communis ordinis Benedictini usus, generalisque pene omnium monasteriorum nostrorum consuetudo: quo…l ne quis a nobis gratis confictum e se existimet, quasi singularem quorumdam, et quidem paucorum caenobiorum praxim, pro generali consuetudine traducere vellemus, rem si non de omnibus, saltem de praetipuis et insignioribus monasteriis certissimis testimoniis demonstrare non erit fortassis ingratum, et utinam aliquando utile! Atque ut a monasteriis ab ipso S. P. Benedicto constructis exordium ducamus, quamvis non legamus S. Patrem mulieres ab ingressu ecclesiarum exclusisse, nihilominas tamen cum neque in ejus Vita, neque in ejus Regula hunc illis permisisse scribatur, non levis conjectura est, ejus ecclesias mulieribus penitus inaccessas fuisse: saltem id sibi persuasisse videatur olim Cistercienses, cum exemplo S. legislatoris oratorii aditum feminis denegarunt, uti ipsi testantur in Exordio parvo Cisterciensi, cap. 12. Conjecturam nostram corroborat supra citatum a nobis S. Gregorii decretum, quo interdicitur episcopis in monachorum ecclesiis missass celebrare, ne forte hac occasione mulierum fieret in eas novus introitus, quae verba denotant rem ante prorsus inauditam, alloquin non diceretur novus. Certe inaccessam feminis tempore Constantini papae, hoc est initio saeculi viii, Romanam S. Anastasii ad Aquas Salvias ecclesiam, constat ex aciis quae refert Baronius ad ann. 613, ubi S. martyris reliquiae extra monasterium in atiam S. Joannis ecclesiam energumenae liberandae gratia delatae dicuntur, eo quod in ipsum monasterium, id est monasterii basilicam, mulier non ingreditur.","prev":{"citation":"Regula 4.154.104-137","label":"4.154.104 to 4.154.137","url":"https://interlinea.aeterna-institute.org/library/latin/benedict/regula/4.154.104","api":"https://interlinea.aeterna-institute.org/api/v1/library/latin/benedict/regula/4.154.104"},"next":{"citation":"Regula 4.154.155-178","label":"4.154.155 to 4.154.178","url":"https://interlinea.aeterna-institute.org/library/latin/benedict/regula/4.154.155","api":"https://interlinea.aeterna-institute.org/api/v1/library/latin/benedict/regula/4.154.155"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}