{"kind":"section","lang":"la","language":"Latin","title":"Regula 4.154.514-550","citation":"Benedict, Regula 4.154.514-550","ref":"4.154.514","level":null,"urn":null,"url":"https://interlinea.aeterna-institute.org/library/latin/benedict/regula/4.154.514","api":"https://interlinea.aeterna-institute.org/api/v1/library/latin/benedict/regula/4.154.514","markdown":"https://interlinea.aeterna-institute.org/library/latin/benedict/regula/4.154.514.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":289,"text":"Winwaloei vita tertia apud Bollandum, in cujus n. 4 haec leguntur (Boll. 3 Mart.): « Hujus loci hoc privilegium fuit, ut ex quo tentus est primum a sanctis Dei lege a S. Guingaloeo sancita, femineus illum nunquam temeraret introitus. » Idem de Deensi coenobio constat ex Ermemtario in historia translationis S. Filiberti, ad praedictum monasterium circa medium saeculum nonum factae (Saec. iv Bened.. part. i), in qua « dubitatur utrum femineus sexus cum caeteris fidelibus admitti debeat, necne, ut pote cujus frequentatio postquam monachi ibi habitare coeperant, nulla omnino exstitisset. Decerniturque saniori consilio quatenus accessus eis communis tribuatur usque ad expletionem unius anni, » inquit Ermentarius n. 30. Vide n. 72. Jam vero si gradum faciamus ad nostra Normanniae et Picardiae monasteria, idem institutum in praecipuis receptum fuisse non minus constabit, ut in Fontanellensi S. Wandregisili, in Madriacensi S. Leufredi, in Flaviacensi S. Geremari. De Fontanellensi etsi non ita eluceat, tamen non obscure colligitur ex lib. Mir. S. Wandregisili cap. i, in quo mulier ex pago Caletensi ob violatum festi diei S. Wandregisili religionem divinitus punita, « poposcit se flebili cum voce ad S. Mariae basilicam, quae vicina erat Fontanellae coenobio, ejusque ditionis perduci, » cumque S. confessoris ecclesiam aspexisset samia est. Utquid enim S. Wandregisili patrocinium rogatura, non ejus in ecclesiam, sed in B. Mariae vicinam se duci poscit, nisi quia feminis erat inaccessa? De Madriacensi res citra controversiam esse debet ex Mir. S. Leufredi cap. 4 (Saec. iii, part. i, p. 593), ubi « femina caeca juxta monasterium adveniens cnm cognovisset nullum aditum feminis illuc ingrediendi patere, misit candelam ad memoriam viri Dei per quemdam hominem. » Et in ejus vita n. 6, in loco possessionis suae oratorium adhuc laicus statuisse dicitur, « ubi nullus introitus nec accessus feminis dabatur, » Similiter de Flaviacensi, in quo S.","prev":{"citation":"Regula 4.154.469-513","label":"4.154.469 to 4.154.513","url":"https://interlinea.aeterna-institute.org/library/latin/benedict/regula/4.154.469","api":"https://interlinea.aeterna-institute.org/api/v1/library/latin/benedict/regula/4.154.469"},"next":{"citation":"Regula 4.154.551-589","label":"4.154.551 to 4.154.589","url":"https://interlinea.aeterna-institute.org/library/latin/benedict/regula/4.154.551","api":"https://interlinea.aeterna-institute.org/api/v1/library/latin/benedict/regula/4.154.551"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}