{"kind":"section","lang":"la","language":"Latin","title":"Regula 40.536.54-76","citation":"Benedict, Regula 40.536.54-76","ref":"40.536.54","level":null,"urn":null,"url":"https://interlinea.aeterna-institute.org/library/latin/benedict/regula/40.536.54","api":"https://interlinea.aeterna-institute.org/api/v1/library/latin/benedict/regula/40.536.54","markdown":"https://interlinea.aeterna-institute.org/library/latin/benedict/regula/40.536.54.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":278,"text":"qui si quid aliquando erravit, error aut excusandus, aut certe non ita efferendus. Et revera cum nullam amplexatus sit sententiam, si Fossatensem referens mensuram addidit: « Et haec quidem sobrio, pulmonisque in integritate conservandi studioso monacho sufficere poterat, cheopina in prandio, et altera in coena seu collatione sumpta; » joculariter et ironi…e locutus fuisse potius credendus est. At num Brolium aliquando legerit dissertator, merito dubitaveris: nam discutiens discrimen quod inter ostensas Boherio et Brolio in Fossatensi monasterio mensuras intercedit, absolute dicit Boherio monstratam fuisse mensuram, Brolio econtra pondus; deinde datam S. Mauro a B. Benedicto heminam fuisse aeneam; Brolio monstratum fuisse pondus plumbeum. Sed an ista conveniant cum Brolii textu judicent aequiores viri. An vero aeneum vas, inquit Brolius, quod Fossatenses ostendunt, sit illud B. Mauro a S. Benedicto datum, non satis constat. Certe ecce vas, et illud aeneum. quod tamen nun vetat quominus una cum vase pondera etiam asservata fuerint in Fossatensi monasterio. Et haec obiter dicta sint, non quasi approbando amplas illas mensuras vini, quas ultro rejicio. Oppositam omnino praefatis auctoribus sententiam secutus est Menardus noster. Hic majori cum examine res discutiens, advertit heminam esse semisextarium, eamque const…re sex cyathis, cyathum drachmis decem, ac consequenter hemmam drachmas habere sexaginta; unde cum unciam non efficiant nisi drachmae octo; intulit heminam non plus pendere quam septem uncias et semis. At Menardi computum de Graecorum, non de Romanorum hemina in elligendum esse existimavit Gallieus dissertator. Paulo liberalior fuit Nicolaus Bravus, auctor Hispanus: nam uncias omnino decem heminae dedit. Eamdem esse heminae mensuram docuit dissertator Gallicus a nobis jam citatus, eo in libello quem de hemina vini Benedictina anno 1667 Parisiis publici juris fecit. Is enim probat heminam esse semisextarium;","prev":{"citation":"Regula 40.536.23-53","label":"40.536.23 to 40.536.53","url":"https://interlinea.aeterna-institute.org/library/latin/benedict/regula/40.536.23","api":"https://interlinea.aeterna-institute.org/api/v1/library/latin/benedict/regula/40.536.23"},"next":{"citation":"Regula 40.536.77-94","label":"40.536.77 to 40.536.94","url":"https://interlinea.aeterna-institute.org/library/latin/benedict/regula/40.536.77","api":"https://interlinea.aeterna-institute.org/api/v1/library/latin/benedict/regula/40.536.77"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}