{"kind":"section","lang":"la","language":"Latin","title":"Regula 40.540.1-18","citation":"Benedict, Regula 40.540.1-18","ref":"40.540.1","level":null,"urn":null,"url":"https://interlinea.aeterna-institute.org/library/latin/benedict/regula/40.540.1","api":"https://interlinea.aeterna-institute.org/api/v1/library/latin/benedict/regula/40.540.1","markdown":"https://interlinea.aeterna-institute.org/library/latin/benedict/regula/40.540.1.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":279,"text":"Pondera praeconiis veterum memorata libellis Nosse juvat. Non ergo sui temporis pondera describit Priscianus, sed veterum. Ergo alia tunc temporis habebantur; et revera non multo post addit: Sed si generatim his pondus inesset, Servarent eadem diversae pondera gentes; Nunc variant; etenim cuncta non foedere certo Naturae; sed lege valent, hominumque repetis. Nec amplius concludit, quam magno cum elogio citat, Cassiodori auctoritas, ut probet Theodoricum regem, cui ille erat a secretis, in mensuris nihil mutasse. Imprimis citat locum ex epistola quam ille Theodorici nomine scripsit ad Idam ducem (Lib. iv Variar., epist. 17), praecipiens ut ecclesiae Narl onensis possessiones, ab iniquis pervasoribus occupatas, restituendas curet, quia res ab antiquo rege rationabiliter decretas ipse titubare non vult: « Cur enim, inquit (Ibid., epist. 42), priora quassemus, ubi nihil est quod corrigere debeamus? » Deinde locum alterum ex epistola ad Argolicum Urbis praefectum, qua inbet ut restituantur Marciano atque Maximo, filiis Volusiani, turris circi, et locus amphitheatri, quae sibi crepta, dum deflendae morti patris vacarent, conquerebantur: quia, inquit, « Nos qui regulas veterum, qui serramus momenta pietatis, salubri ordinatione censemus, ut si quondam patricius atque magnificus vir Volusianus, pater supplicum, commemorata communi jure possedit, filiis perire non debeant. » Sed quid haec ad Romanam heminam? Ex his quidem locis habemus, Theodoricum justitiae amantem, nulli fraudem inferri voluisse: at exinde nullus concludet Romanas mensuras ab ipso aut ante eum ab alio aliquo mutatas non fuisse. Majorem veris militudinem prae se fert locus ex epistola ad Boetium patricium (Lib. i, epist. 10), qua scribit, domesticos protectores equitum et peditum, qui aulae regiae jugiter excubabant, conquestos esse ab arcario praefectorum se pro emolumentis solemnibus integri ponderis solidos non percipere, et in numero gravia dispendia sustinere: quod ille jubet emendari.","prev":{"citation":"Regula 40.536.165-167","label":"40.536.165 to 40.536.167","url":"https://interlinea.aeterna-institute.org/library/latin/benedict/regula/40.536.165","api":"https://interlinea.aeterna-institute.org/api/v1/library/latin/benedict/regula/40.536.165"},"next":{"citation":"Regula 40.540.19-38","label":"40.540.19 to 40.540.38","url":"https://interlinea.aeterna-institute.org/library/latin/benedict/regula/40.540.19","api":"https://interlinea.aeterna-institute.org/api/v1/library/latin/benedict/regula/40.540.19"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}