{"kind":"section","lang":"la","language":"Latin","title":"Regula 48.628.147-166","citation":"Benedict, Regula 48.628.147-166","ref":"48.628.147","level":null,"urn":null,"url":"https://interlinea.aeterna-institute.org/library/latin/benedict/regula/48.628.147","api":"https://interlinea.aeterna-institute.org/api/v1/library/latin/benedict/regula/48.628.147","markdown":"https://interlinea.aeterna-institute.org/library/latin/benedict/regula/48.628.147.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":293,"text":"et illud: Ignorans ignorabitur. Tertium, perversa Massalianorum haereticorum et quorumdam vagantium monachorum doctrina, qui aut orationis, aut praedicationis obtentu, laberem non solum tanquam inutilem, sed etiam ut malum, et evangelicis verbis contrarium in servis Dei damnabant; quorum dogma impium refutarunt S. Epiphanius lib. iii Contra haereses, haer. 80, et S. Augustinus eo in opusculo quod hortatu Aurelii Carthagmensis episcopi conscripsit de Opere monachorum (Cap. 30), « ne boni fratres apostolicis praeceptis obedientes, a pigris et inobedientibus etiam praevaricatores dicerentur; ut qui non operantur, saltem illos qui operantur sibi anteponendos esse non dubitent, » ut loquitur ipse sanctus doctor: quod tamen non sic dicit quasi laborantes absolute non laborantibus judicaret esse meliores; nam et eos qui perfectionis gratia reclusioni se dedunt, non solum laborantibus non postponit, verum etiam « horum, inquit (Cap. 23), exercitationem in tam mirabili continentia, quandoquidem habent otium, quo haec ag…ut, seque imitandos non superba elatione, sed misericordi sanctitate proponant, non solum non reprehendo, sed quantum dignum est laudare non possum. » Et alios (Cap. 21), « si ministri altaris, si dispensatores sacramentorum » sunt, liberam non operandi potestatem sibi vindicare posse asserit. Sed laborantes perversis illis monachis crinitis et vagantibus, qui laborem in aliis tanquam rem malam improbabant, meliores esse contendit; neque aliud vult toto hoc in libello de Opere monachorum S. doctor; qui si nunc viveret, exsurgeretque novus Wiclefus, ac diceret: « Omnes monachi S. Benedicti nolentes labore manuum victum quaerere, non solum ab ordine S. Benedicti, sed, quod verius est, a discipulatu Christi sunt apostatae,» novum Pharaonem, qui ut electum Dei populum suae servituti subjiceret, et a reddendo in deserto vero summoque Deo laudis sacrificio averteret, hunc lateritiis manualibusque operibus addicere conaretur, procul a se valere juberet; laudaretque monachos qui ut liberius Deo vacarent aut publicae utilitati inservirent, ab omni prorsus labore manuum abstinerent;","prev":{"citation":"Regula 48.628.124-146","label":"48.628.124 to 48.628.146","url":"https://interlinea.aeterna-institute.org/library/latin/benedict/regula/48.628.124","api":"https://interlinea.aeterna-institute.org/api/v1/library/latin/benedict/regula/48.628.124"},"next":{"citation":"Regula 48.628.167-181","label":"48.628.167 to 48.628.181","url":"https://interlinea.aeterna-institute.org/library/latin/benedict/regula/48.628.167","api":"https://interlinea.aeterna-institute.org/api/v1/library/latin/benedict/regula/48.628.167"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}