{"kind":"section","lang":"la","language":"Latin","title":"Regula 48.628.222-246","citation":"Benedict, Regula 48.628.222-246","ref":"48.628.222","level":null,"urn":null,"url":"https://interlinea.aeterna-institute.org/library/latin/benedict/regula/48.628.222","api":"https://interlinea.aeterna-institute.org/api/v1/library/latin/benedict/regula/48.628.222","markdown":"https://interlinea.aeterna-institute.org/library/latin/benedict/regula/48.628.222.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":291,"text":"quod plane fieri nequit absque peculiari studio. Eamdem consuetudinem etiam in Galliis obtinuisse, probat Claudiani Mamerti abbatis Viennensis exemplum (Lib. iv, epist. 11. Vid. epist. 3), in cujus epitaphio ita canit Sidonius Apollinaris: Germani decus et dolor Mamerti, Mirantum unica pompa episcoporum, Hoc dat cespite membra Claudianus. Triplex bibliotheca quo magistro Romana, Attica, Christiana fulsit: Quam totam monachus virente in aevo Secreta bibit institutione. Orator, dialecticus, poeta, Tractator, geometra, musicusque, Doctus solvere vincula quaestionum, Et verbi gladio secare sectas, Si quae catholicam fidem lacessunt. Circa idem tempus Lupus episcopus in prospectu …bis Trecensis construxit sibi monasterium, in quo bratus Polichronius, Virdunensis postea futurus episcopus, ernditudus a parentibus, traditus legitur in Hugonis Flaviniacensis Chronico. En loci cum Polichronio doctrinae scientiis imbuti fuerunt Severus Trevirensis, Albinus Catalaunensis, Aventinus Trecensis episcopi, et S. Aemilianus: omnes vitae merito et sanctitate insignes. Idem de Britanniae monachis asserendum esse constat, tum ex vita S. Gildae abbatis Ruyensis (Saec. i Bened.), qui sub finem saeculi v abbati « Hilduto traditur imbuendus, qui suscipiens sanctum puerolum, sacris litteris coepit instruere illum; et videns eum formae specie fulgentem, ac liberalibus gindiis instantissime intentum, benigno amore dilexit, etc. » Sub eodem magistro profecere etiam Samson et Paulus, quorum primus Dolensis, alter Oximensis fuit episcopus ex ejusdem Vitae n. 3. Et quidem de S. Samsone constat ex ejus Vita n. 7, ab auctore subaequali scripta, ubi de Hilduto sive Eltuto magistro sic disserit: « Ille vero Eltutus de totis Scripturis|Veteris ac Novi Testamenti, et omnis philosophiae generis, geometriae scilicet ac rhetoricae grammaticae, et arithmeticae, et omnium artium philosophiae omnium Britannorum peritissimus erat. » Additque: « In cujus monasterio ego fui. » His etiam adjiciendus est S. Maglorius, qui, ut habetur in ejus Vita n. 1, « tam artium liberalium quam et divinorum eloquiorum » scientiam ab Eltuto edoctus est.","prev":{"citation":"Regula 48.628.205-221","label":"48.628.205 to 48.628.221","url":"https://interlinea.aeterna-institute.org/library/latin/benedict/regula/48.628.205","api":"https://interlinea.aeterna-institute.org/api/v1/library/latin/benedict/regula/48.628.205"},"next":{"citation":"Regula 48.628.247-267","label":"48.628.247 to 48.628.267","url":"https://interlinea.aeterna-institute.org/library/latin/benedict/regula/48.628.247","api":"https://interlinea.aeterna-institute.org/api/v1/library/latin/benedict/regula/48.628.247"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}