{"kind":"section","lang":"la","language":"Latin","title":"Regula 52.6","citation":"Benedict, Regula 52.6","ref":"52.6","level":null,"urn":null,"url":"https://interlinea.aeterna-institute.org/library/latin/benedict/regula/52.6","api":"https://interlinea.aeterna-institute.org/api/v1/library/latin/benedict/regula/52.6","markdown":"https://interlinea.aeterna-institute.org/library/latin/benedict/regula/52.6.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":115,"text":"Et agatur reverentia Deo.] Vel salutando altare. juxta Hildemarum et Boherium, vel per summum silentium, secundum Bernardum Cassinensem. Sed si alter vult sibi secretius forte orare, smpliciter intret et oret.] Ubi « quod ait simpliciter. inquit Bernardus Cassinensis, est ac si diceret: plane, non sonore, non cum magno strepitu pedum, non alte tussiendo, vel excreando; sed modeste, plane, silenter. » Verum cum praeter quietis relectionisque tempora, labore manuum, lectione, divinisque officiis semper occupatos monachos teneat $. P. Benedictus, qua ratione volentes orare oratorium ingredi poterunt? Respondet Hildemarus eos quibus compunctionis contemplationisque a Domino gratia concessa est, lacrymis haud esse fraudandos; relictoque labore, aut libro, oratorium intrare licite posse, quamvis paucorum sit ista virtus. Adderem ego: cum abbatis benedictione.","prev":{"citation":"Regula 52.5","label":"Chapter 52","url":"https://interlinea.aeterna-institute.org/library/latin/benedict/regula/52.5","api":"https://interlinea.aeterna-institute.org/api/v1/library/latin/benedict/regula/52.5"},"next":{"citation":"Regula 52.7","label":"Chapter 52","url":"https://interlinea.aeterna-institute.org/library/latin/benedict/regula/52.7","api":"https://interlinea.aeterna-institute.org/api/v1/library/latin/benedict/regula/52.7"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}