{"kind":"section","lang":"la","language":"Latin","title":"Regula 55.697.66-91","citation":"Benedict, Regula 55.697.66-91","ref":"55.697.66","level":null,"urn":null,"url":"https://interlinea.aeterna-institute.org/library/latin/benedict/regula/55.697.66","api":"https://interlinea.aeterna-institute.org/api/v1/library/latin/benedict/regula/55.697.66","markdown":"https://interlinea.aeterna-institute.org/library/latin/benedict/regula/55.697.66.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":282,"text":"Isidorus (Lib. xix Origin., cap. 24): « Casula, inquit. est vestis cucullata, per diminutionem a casa, quod totum hominem tegat. » Et Smaragdus: « Per diminutionem a casula dicitur cuculla, et a casa casulla, et a casulla cuculla. » Certe casu…am monachorum fuisse indumentum patet ex Vita S. Severini abbatis Agaunensis, apud Bollandum, 11 Februar.; ex Vita S. Caesarii Arelatensis episcopi, lib, ii; ex Actis S. Fulgentii Ruspensis episcopi, et ex Vita S. Filiberti abbatis Gemmeticensis, saec. ii Benedict. Quid autem sit casula docet S. Isidorus, scilicet vestis quae totum hominem tegat, unde dicitur casula, quasi parva casa, quae totum corpus in se contineat, sine manicis, et eum hujusmodi forte cucullis Pachomiani accedebant ad sacram communionem: vestimenti genus satis incommodum, cujus forsitan loco, si conjecturis locus sit, S. Benedictus indulsit scapulare pro pter opera, quod ex utroque latere apertum est, u facilius brachia exerantur, et liberiorem eorum usum habeant laborantes. Casulam etiam aliquando pro tunica talari, aliquando pro alio indumenti genere usurpari docet noster Mabillon…us in praefatione ad saeculum i Bened. pag. 55. Aliter etiam Smaragdus cucullam explicat: « Cucullam, inquit, dicit ille (S. Benedictus) quod nos modo cappam dicimus. » Idem asserit Hildemarus infra citandus. Quid autem sit cappa vix conjicere possum. Theodemarus in citata ad Carolum Magnum epistola scipsum ita explicat: (Illud autem vestimentum quod a Gallicanis monachis coculla dicitur, et nos cappam vocamus, quod proprie monachorum designat habitum, melotem appellare debemus, sicut et hactenus in provincia a quibusdam vocatur, de quo, sicut B. Gregorius ser psit in libro Dialogi, ereptus ab aqua per Maurum monachum puer Placidus dixit: Ego cum ab aqua abstraherer, melotem supra me abbatis cernebam, cumque me ab aquis educere considerabam. » Jam vero quid sit melotes discimus ex Isidoro (Lib.","prev":{"citation":"Regula 55.697.42-65","label":"55.697.42 to 55.697.65","url":"https://interlinea.aeterna-institute.org/library/latin/benedict/regula/55.697.42","api":"https://interlinea.aeterna-institute.org/api/v1/library/latin/benedict/regula/55.697.42"},"next":{"citation":"Regula 55.697.92-112","label":"55.697.92 to 55.697.112","url":"https://interlinea.aeterna-institute.org/library/latin/benedict/regula/55.697.92","api":"https://interlinea.aeterna-institute.org/api/v1/library/latin/benedict/regula/55.697.92"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}