{"kind":"section","lang":"la","language":"Latin","title":"Regula 58.761.39-57","citation":"Benedict, Regula 58.761.39-57","ref":"58.761.39","level":null,"urn":null,"url":"https://interlinea.aeterna-institute.org/library/latin/benedict/regula/58.761.39","api":"https://interlinea.aeterna-institute.org/api/v1/library/latin/benedict/regula/58.761.39","markdown":"https://interlinea.aeterna-institute.org/library/latin/benedict/regula/58.761.39.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":289,"text":"Ut si aliquando aliter fecerit.] S…abilitatem deserens apostatando, modos regulares abjiciens ad saeculariter vivendum se dando, obedientiae frenum dimittens per campos propriae voluntatis discur…endo, ut loquitur Bernardus Cassinensis. Ab eo se damnandum sciat, quem irridet.] Se damnandum sciat tanquam sacrilegum; « nam qui se…um Deo obtulit, si postea ad aliud vitae genus resiliat, Sacr…legus redditur, dum seipsum furatur, et oblationem Deo factam aufert, » inquit S. Basilius (Regul. fus., cap. 14): unde et S. Gregorius ad Venantium quemdam ex monacho cancellarium Italiae factum scribens (Lib. i Regist., cap. 33), eum ita adoritur: « Ananias pecunias Deo voverat, quas p…st diabolica victus persuasione subtraxit: sed qua morte mulctatus est scis. Si ergo ille mortis periculo d gnus fuit qui eos quos dederat nummos abstulit, considera quanto periculo in divino judicio dignus eris, qui non nummos, sed temetipsum Deo omnipotenti, cui te sub monachali habitu devoveras, subtraxisti. » Vide Cassianum, lib. iv, cap. 33, et Petrum Damiani, opusc. 16, cap. 4. De qua promissione sua faciat petitionem ad nomen Sanctorum, quorum reliquiae ibi sunt, et abtetis praesentis.] Hanc petitionem cum promissione confundunt recentiores Regulae commentatores, licet ex ipso Regulae textu non obscure videantur distingui; id quod amplius patet ex antiquis Regulae commentatoribus Smaragdo et Hildemaro: uterque enim hunc initiandi monachi ordinem commemorat, ut primo novitius promittat de stabilitate, conversione morum, et obedientia secundum Regulam S. Benedicti. « Et cum haec dixerit promittens, inquit Hildemarus, tunc debet facere petitionem, id est, aut tunc debet scrib re ipsam petitionem, aut si scripta fuerit ipsa petitio, tunc in praesentia debet scribere aliquid ibi, hoc est nomen suum, aut si non sapit scribere, tunc in praesentia fratrum ibi debet facere signum crucis: deinde cum hoc fecerit, tunc debet ipsam petitionem manu sua ponere super altare.","prev":{"citation":"Regula 58.761.15-38","label":"58.761.15 to 58.761.38","url":"https://interlinea.aeterna-institute.org/library/latin/benedict/regula/58.761.15","api":"https://interlinea.aeterna-institute.org/api/v1/library/latin/benedict/regula/58.761.15"},"next":{"citation":"Regula 58.761.58-70","label":"58.761.58 to 58.761.70","url":"https://interlinea.aeterna-institute.org/library/latin/benedict/regula/58.761.58","api":"https://interlinea.aeterna-institute.org/api/v1/library/latin/benedict/regula/58.761.58"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}