{"kind":"section","lang":"la","language":"Latin","title":"Regula 61.808.76-93","citation":"Benedict, Regula 61.808.76-93","ref":"61.808.76","level":null,"urn":null,"url":"https://interlinea.aeterna-institute.org/library/latin/benedict/regula/61.808.76","api":"https://interlinea.aeterna-institute.org/api/v1/library/latin/benedict/regula/61.808.76","markdown":"https://interlinea.aeterna-institute.org/library/latin/benedict/regula/61.808.76.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":286,"text":"Unde si quosdam aliquando admisit, aut ex non noto monasterio, aut de consensu sui abbatis admisit, aut sane hi pauci sunt recepti, et contra communem agendi sancti viri consuetudinem, et singularibus do causis, quorum admissionem nullus potest in exemplum adducere. Eadem fuit Guillelmi abbatis sententia, licet ipse singulari Dei vocatione ad Cistercienses tandem transmigrant: nam inter alia ad fratres de Monte Dei haec scribit (Cap. 9): « Impossibile est hominem fideliter figere in uno animum suum, qui non prius aliquo loco perseveranter affixerit corpus suum. Nam qui per aegritudinem animi migrando de loco ad locum fugere nititur, sic est sicut qui fugit umbram corporis sui: seipsum fugit, seipsum circumfert, locum mutat, non animum: eumdem ubique invenit, nisi quod deteriorem facit ipsa mobilitas, sicut laedere solet aegrum, qui circumferendo concutit eum. » Eodem modo loquitur Petrus Blesensis in epist. 102. Tandem Petrus abbas Cellensis variis comparationibus idem demonstrat (Lib. ix, epist. 12): « Ranas et muscas inquietantes penetralia cordis vestri utinam vos abjicere vel potius exterminare brevi admonitione possem! Non ignoro apud Aristotelem dubitare de singulis non esse inutile. Teneo autem apud Hippocratem quod mu ationes maximae generant morbos. Dicit Gregorius quod plantae quae saepe transponuntur radices non mittunt..... In parabola quoque Evangelii dum fatuae virgines irent emere oleum, clausa est janua. Harum auctoritatum sensus hic est, ne instabiles simus, ne fluctuemus, ne omni vento circumferamur, ne dicamus, Ecce hic Christus, ecce illic. Videte itaque vocationem vestram, et bases, e…plan…as vestras statuite supra petram; et cum Job dicite: In nidulo isto moriar, et tanquam palma multiplicabo dies meos. » Denique in Regula S. Stephani Grandimontensis exstat integrum caput 40, De viris alterius religionis non recipiendis, quod ita incipit: « Alterius religionis v…r…s in hac religione recipi omnino prohibemus.","prev":{"citation":"Regula 61.808.60-75","label":"61.808.60 to 61.808.75","url":"https://interlinea.aeterna-institute.org/library/latin/benedict/regula/61.808.60","api":"https://interlinea.aeterna-institute.org/api/v1/library/latin/benedict/regula/61.808.60"},"next":{"citation":"Regula 61.808.94-118","label":"61.808.94 to 61.808.118","url":"https://interlinea.aeterna-institute.org/library/latin/benedict/regula/61.808.94","api":"https://interlinea.aeterna-institute.org/api/v1/library/latin/benedict/regula/61.808.94"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}