{"kind":"section","lang":"la","language":"Latin","title":"Regula 62.3.1-29","citation":"Benedict, Regula 62.3.1-29","ref":"62.3.1","level":null,"urn":null,"url":"https://interlinea.aeterna-institute.org/library/latin/benedict/regula/62.3.1","api":"https://interlinea.aeterna-institute.org/api/v1/library/latin/benedict/regula/62.3.1","markdown":"https://interlinea.aeterna-institute.org/library/latin/benedict/regula/62.3.1.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":283,"text":"COMMENTARIUS. Si quis abbas sibi.] Sibi, hoc est suo monasterio. Ubi observat Menardus duplici olim nomine sacerdotes ordinatos fuisse: vel pro monasteriis suis, ut ex hoc capite constat; vel pro saecularibus ecclesiis seu parochiis, ut habitur 16, quaest, 1, cap. Si quis, cap. In parochia tua, cap. Cum pro utilitate Ecclesiae, cap. Monachi, et cap. Ne pro cujuslibet. Ad primos spectat nostri Mabillonii observatio, qua docet(Praef. in saec. v Bened., pag. 83), « Monachos olim, non (ut modo) sub titulo paupertatis, sed sub monasterii sui fuisse ordinatos. Id quod patet ex concilio Londoniensi anni 971, ia quo Eadgarus rex Glastoniensi monasterio certas leges ac praerogativ…s concedit, atque inter alia: Sanxit etiam ut quoties abbas loci vel monachi aliquos suorum sacris ordinibus initi ri decernerent, a quocunque praesulum canonice ordinato, aut in illius sede, aut in eodem Sanctae Mariae Glastigensi monasterio, tam monachos quam clericos, quos idoneos judicarent, ad titulum S. Mariae ordinari facerent. Et ita quidem sancitum fuerat in concilio Chalcedonensi; sed postmodum haec disciplina mutata est. Concilii haec verba sunt in can. 6: Nullum absolute, id est sine titulo, ordinari debere presbyterum aut diaconum, nec quemlibet in gradu ecclesiastico, nisi specialiter in ecclesia civitatis aut pagi, aut in martyrio, aut in monasterio qui ordinandus est pronuntietur. Contrarium morem induxit Mendicantium (ut conjicimus) exemplum, et instabilitas monachorum. Hujus loci occasione observandum venit id quod in Actis S. Dunstani ad num. 29 notamus, eum primo ordinatum fuisse episcopum sine titulo, ea maxime ratione ut regali praesentiae, propter sua provida consilia jugiter …desset. » Vide ejusdem S. Dunstani Vitam auctore Osberno, num. 12, saec. v Benedictino. Secundos respicit id quod scribit sanctus Gregorius papa Mariniano Ravennati episcopo in gratiam monasterii SS. Joannis et Stephani (Lib.","prev":{"citation":"Regula 62.2","label":"Chapter 62","url":"https://interlinea.aeterna-institute.org/library/latin/benedict/regula/62.2","api":"https://interlinea.aeterna-institute.org/api/v1/library/latin/benedict/regula/62.2"},"next":{"citation":"Regula 62.3.30-40","label":"62.3.30 to 62.3.40","url":"https://interlinea.aeterna-institute.org/library/latin/benedict/regula/62.3.30","api":"https://interlinea.aeterna-institute.org/api/v1/library/latin/benedict/regula/62.3.30"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}