{"kind":"section","lang":"la","language":"Latin","title":"Regula 64.845.147-180","citation":"Benedict, Regula 64.845.147-180","ref":"64.845.147","level":null,"urn":null,"url":"https://interlinea.aeterna-institute.org/library/latin/benedict/regula/64.845.147","api":"https://interlinea.aeterna-institute.org/api/v1/library/latin/benedict/regula/64.845.147","markdown":"https://interlinea.aeterna-institute.org/library/latin/benedict/regula/64.845.147.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":294,"text":"585), ubi unum ei defuisse dicitur, quo insigniri debet, secundum regularem sanctionem, qui monachis praeest, sacerdotale scilicet ministerium: quod rogante S. Euspicio ab Eusebio episcopo accepit, qui insuper et benedictionem, qua Patres abbatesque monachorum confirmari solent, superaddidit; et ex Actis S. Leobini abbatis primum, deinde episcopi Carnotensis (Saec. i Ben., ann. 556, pag. 124), cujus sanctitatem cum Aetherius episcopus perspiciens, eum ad diaconatus proveheret officium, et fratribus Brajacensis monasterii praeponeret, dignum duxit ut praefecturae officium commodius ageret, ad presbyterii onus eum ordinabiliter sublimaret. In Occidente tamen haud ita generaris usus ille evaserat; nam et multos reperimus abbates diaconos duntaxat, et S. Eugendus abbas Jurensis (Saec. i Ben., pag. 572) dicebat « utilius multo esse abbati propter juniorum ambitionem, liberum a sacerdotio praeesse fratribus, et non illigati dignitate quam abrenuntiantes ac remotos minime convenit affectare. » At longe alia erat mens Orientalium monachorum (Monum. Ecclesiae Graecae tom. III, pag. 205), ex quibus qui S. Sabae abbati rebelles exstitere, eo inter alia nomine eum ad Salustium episcopum accusarunt, quod « neque ipse ordinem sacrum haberet, neque alium clericum fieri permisisset. » Et certe ante S. Sabam omnes communiter abbates sacerdotio fungebantur, ut probat imprimis epistola Martini, Pe…ri, et aliorum numero decem et …cto archimandritarum ad Marcianum imperatorem contra Eutychetem, qui omnes erant sacerdotes (Tom. IV Conc. Labb., pag. 531); Acta depositionis Eutychetis haeresiarchae factae in concilio Chalcedonensi, ac…. 7, (Tom. IV Conc. Labb. pag. 230), cui ex viginti tribus abbatibus octodecim sacerdotes subscribunt; denique libellus monachorum ad concilium Constantinopolitanum tempore Justiniani imperatoris pro condemnatione Severi (Tom. V Concil., pag. 171), in quo abbates sexaginta quatuor subscribunt, sacerdotes omnes, uno excepto diacono; tandem alter libellus monachorum Apameae ad proprios episcopos de sceleribus Petri (Tom. V Concil., p. 250), in quo ex decem et octo abbatibus sexdecim leguntur sacerdotes, duo diaconi.","prev":{"citation":"Regula 64.845.117-146","label":"64.845.117 to 64.845.146","url":"https://interlinea.aeterna-institute.org/library/latin/benedict/regula/64.845.117","api":"https://interlinea.aeterna-institute.org/api/v1/library/latin/benedict/regula/64.845.117"},"next":{"citation":"Regula 64.845.181-205","label":"64.845.181 to 64.845.205","url":"https://interlinea.aeterna-institute.org/library/latin/benedict/regula/64.845.181","api":"https://interlinea.aeterna-institute.org/api/v1/library/latin/benedict/regula/64.845.181"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}