{"kind":"section","lang":"la","language":"Latin","title":"Regula 7.197.19-43","citation":"Benedict, Regula 7.197.19-43","ref":"7.197.19","level":null,"urn":null,"url":"https://interlinea.aeterna-institute.org/library/latin/benedict/regula/7.197.19","api":"https://interlinea.aeterna-institute.org/api/v1/library/latin/benedict/regula/7.197.19","markdown":"https://interlinea.aeterna-institute.org/library/latin/benedict/regula/7.197.19.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":276,"text":"Demonstrat nobis hoc Propheta, cum in cogitationibus nostris ita Deum semper praesentem ostendit, dicens: Scrutans corda et renes Deus (Psal. vii). Et iterum: Dominus novit cogitationes hominum, quoniam vanoe sunt o (Psal. xciii). Et item dicit: Intellexisti cogitationes meas a longe (Psal. cxxxviii): et, Quia cogitatio hominis confitebitur tibi (Psal. cxxxviii). Nam, ut sollicitus sit circa cogitationes suas perversas, dicat semper utilis frater in corde suo: Tunc ero immaculatus coram eo, si observavero me ab iniquitate mea (Psal. xvii). Voluntatem vero propriam, ita facere prohibemur, cum dicit Scriptura nobis: Et a voluntatibus tuis avertere p (Eccli. xxviii). Et iterum: Rogamus Deum q in oratione, ut fiat illius voluntas in nobis (Matth. vi). Docemur ergo merito non facere nostram voluntatem, cum cavemus illud, quod dicit sancta r Scriptura: Sunt viae quae videntur hominibus s rectoe; quarum finis usque ad profundum inferni demergit (Prov. xvi). Et cum item cavemus t illud, quod de negligentibus dictum est u: Corrupti sunt, et abominabiles facti sunt in voluntatibus v suis (Psal. lii). In desideriis vero carnis ita nobis Deum credamus semper esse praesentem, cum dicit Propheta Domino: Ante te est omne desiderium meum (Psal. xxxvii). Cavendum ergo ideo malum desiderium, quia mors secus introitum delectationis posita est. Unde Scriptura praecipit, dicens: Post concupiscentias tuas non eas (Eccli. xviii). Ergo si oculi Domini speculantur bonos et malos, et Dominus de coelo semper respicit super filios hominum (Psal. xxxiii), ut videat si est intelligens, aut requirens Deum: et si ab angelis nobis deputatis quotidie die noctuque Domino factori nostro x opera nostra nuntiantur, cavendum est ergo omni hora, fratres, sicut dicit in psalmo Propheta, ne nos declinantes in malo et inutiles factos (Psal.","prev":{"citation":"Regula 7.197.1-18","label":"7.197.1 to 7.197.18","url":"https://interlinea.aeterna-institute.org/library/latin/benedict/regula/7.197.1","api":"https://interlinea.aeterna-institute.org/api/v1/library/latin/benedict/regula/7.197.1"},"next":{"citation":"Regula 7.197.44-63","label":"7.197.44 to 7.197.63","url":"https://interlinea.aeterna-institute.org/library/latin/benedict/regula/7.197.44","api":"https://interlinea.aeterna-institute.org/api/v1/library/latin/benedict/regula/7.197.44"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}