{"kind":"section","lang":"la","language":"Latin","title":"Regula 7.197.64-90","citation":"Benedict, Regula 7.197.64-90","ref":"7.197.64","level":null,"urn":null,"url":"https://interlinea.aeterna-institute.org/library/latin/benedict/regula/7.197.64","api":"https://interlinea.aeterna-institute.org/api/v1/library/latin/benedict/regula/7.197.64","markdown":"https://interlinea.aeterna-institute.org/library/latin/benedict/regula/7.197.64.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":278,"text":"v): angariati g milliario, vadunt et duo (Luc. vi); cum Paulo apostolo falsos fratres sustinent, et persecutionem h: et maledicentes se benedicunt (II Cor. xi). Quintus humilitatis gradus est, si omnes cogitationes malas cordi suo advenientes, vel mala a se absconse commissa, per humilem confessionem abbati i non celaverit suo. Hortatur i nos de hac re Scriptura, dicens k: Revela Domino viam tuam, et spera in eum (Psal. xxxvi). Et item dicit: Confitemini Domino, quoniam bonus, quoniam in saeculum misericordia ejus (Psal. cv). Et item Propheta: Delictum meum cognitum tibi feci, et injustitias meas non operui l. Dixi: Pronuntiabo adversum me injustitias meas Domino; et tu remisisti impietatem cordis mei m (Psal. xxxi). Sextus humilitatis gradus est, si omni vilitate vel extremitate contentus sit monachus; et ad omnia quae sibi injunguntur, velut operarium malum et indignum se judicet, dicens sibi cum Propheta: Ad nihilum redactus sum, et nescivi: ut jumentum factus sum apud te, et ego semper tecum (Psal. lxxii). Septimus humilitatis gradus est, si omnibus se inferiorem et viliorem, non solum sua lingua pronuntiet, sed etiam intimo cordis credat affectu, humilians se, et dicens cum Propheta: Ego autem sum vermis, et non homo; opprobrium hominum et abjectio plebis (Psal. xxi); exaltatus s…m, et humiliatus, et confusus (Psal. lxxxvii). Et item: Bonum mihi, quod humiliasti me, ut discam mandata tua (Psal, cxviii). Octavus humilitatis gradus est, si nihil agat monachus, nisi quod communis monasterii regula, vel majorum cohortantur exempla. Nonus humilitatis gradus est, si linguam ad loquendom prohibeat monachus; et taciturnitatem habens usque ad interrogationem non loquatur, monstrante Scriptura: Quia in multiloquio non effugitur n peccatum (Prov. x). Et quia vir linguosus non dirigitur super terram (Psal.","prev":{"citation":"Regula 7.197.44-63","label":"7.197.44 to 7.197.63","url":"https://interlinea.aeterna-institute.org/library/latin/benedict/regula/7.197.44","api":"https://interlinea.aeterna-institute.org/api/v1/library/latin/benedict/regula/7.197.44"},"next":{"citation":"Regula 7.197.91-101","label":"7.197.91 to 7.197.101","url":"https://interlinea.aeterna-institute.org/library/latin/benedict/regula/7.197.91","api":"https://interlinea.aeterna-institute.org/api/v1/library/latin/benedict/regula/7.197.91"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}