{"kind":"section","lang":"la","language":"Latin","title":"Regula 8.20","citation":"Benedict, Regula 8.20","ref":"8.20","level":null,"urn":null,"url":"https://interlinea.aeterna-institute.org/library/latin/benedict/regula/8.20","api":"https://interlinea.aeterna-institute.org/api/v1/library/latin/benedict/regula/8.20","markdown":"https://interlinea.aeterna-institute.org/library/latin/benedict/regula/8.20.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":93,"text":"Ut autem in tanta opinionum varietate etiam quid sentiam aperiam: Primo, existimo S. Benedictum eam non praescripsisse meditationem quae in rerum divinarum contemplatione consistit, quam vulgo orationis mentalis nomine intelligimus; tum quia non videtur credibile eum tanto temporis intervallo mentes discipulorum applicasse, qui in conventu omnino breviari orationem jubet; tum quia si ita esset, his qui psalterio et lectione indigent, aliud tempus ad meditationem assignandum fuisset, quod tamen haud facit; tum denique quia in antiquis monachorum regulis nullam orationi mentali horam indictam fuisse legimus, cum in omni loco et tempore coelestia jugiter meditarentur.","prev":{"citation":"Regula 8.19","label":"Chapter 8","url":"https://interlinea.aeterna-institute.org/library/latin/benedict/regula/8.19","api":"https://interlinea.aeterna-institute.org/api/v1/library/latin/benedict/regula/8.19"},"next":{"citation":"Regula 8.21-22","label":"8.21 to 8.22","url":"https://interlinea.aeterna-institute.org/library/latin/benedict/regula/8.21","api":"https://interlinea.aeterna-institute.org/api/v1/library/latin/benedict/regula/8.21"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}