{"kind":"section","lang":"la","language":"Latin","title":"Regula 8.33","citation":"Benedict, Regula 8.33","ref":"8.33","level":null,"urn":null,"url":"https://interlinea.aeterna-institute.org/library/latin/benedict/regula/8.33","api":"https://interlinea.aeterna-institute.org/api/v1/library/latin/benedict/regula/8.33","markdown":"https://interlinea.aeterna-institute.org/library/latin/benedict/regula/8.33.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":151,"text":"Neque tamen inficias ibo aliam fuisse nonnullorum consuetudinem et praxim. Inter alios magister aestate matutinas laudes una cum vigiliis jungi jussit, ut iis celebratis, qui vellent ad primam usque pausarent. Statuta Lanfranci a calendis octobris usque ad calendas novembris decernunt (C. 1, § 1), ut « privatis diebus post matutinas revertantur ad lectos suos. » Idemque tota aestate usu receptum fuisse palet ex eo quod indulgent, ut « diebus Rogationum, dictis matutinis pro defunctis, fratres ad lectos redeant, et qui volunt plus solito dormiant. » Ergo solebant aestate dormire; nam hieme id prohibi um supra vidimus. Idem reperunus etiam apud Udalricum in antiquis Cluniac. Consuetudinibus (Lib. i. cap. 22), in quibus item de Rogationibus statutum legitur, et insuper, ut per octavas S. Martini, Nativitatis Domini et Epiphaniae dormiatur: quo forte respexit S. Bernardus cum Roberto nepoti, qui ad Cluniacenses transierat, exprobrans ait (Epist. 1): « Securus nunc, projectis arinis, capis matutinos somnos, cum illa hora Christus resurrexerit. »","prev":{"citation":"Regula 8.32.16-26","label":"8.32.16 to 8.32.26","url":"https://interlinea.aeterna-institute.org/library/latin/benedict/regula/8.32.16","api":"https://interlinea.aeterna-institute.org/api/v1/library/latin/benedict/regula/8.32.16"},"next":{"citation":"Regula 8.34","label":"Chapter 8","url":"https://interlinea.aeterna-institute.org/library/latin/benedict/regula/8.34","api":"https://interlinea.aeterna-institute.org/api/v1/library/latin/benedict/regula/8.34"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}