{"kind":"section","lang":"la","language":"Latin","title":"Regula commentarius.510.65-85","citation":"Benedict, Regula commentarius.510.65-85","ref":"commentarius.510.65","level":null,"urn":null,"url":"https://interlinea.aeterna-institute.org/library/latin/benedict/regula/commentarius.510.65","api":"https://interlinea.aeterna-institute.org/api/v1/library/latin/benedict/regula/commentarius.510.65","markdown":"https://interlinea.aeterna-institute.org/library/latin/benedict/regula/commentarius.510.65.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":283,"text":"i de Vita sancti Bern., cap. 5): « Pulmentaria, inquit, saepius ex foliis fagi conficiebant. Panis instar prophetici illius ex hordeo, et milio, et vicia erat; ita ut aliquando religiosus vir quidam appositum sibi in hospitio ubertim plorans clam asportaverit, quasi pro miraculo omnibus ostendendum, quod inde viverent homines, et tales homines. » Et Fastredus tertius Clarevallensis abbas, argueus abbatem quemdam qui lautius vivebat (Inter epist. S. Bernardi): « Non est haec vita quam me et te docuit Pater et praedecessor noster Bernardus felicis recordationis; nec modus quem nostri sacri ordinis abbates et monachi sequuntur, qui nos pane ex avena confecto, et herbis sine oleo et abdomine coctis enutrierunt, et fabis pisisque ipso etiam Paschatis die festo; quae austeritas, vel similis in omnibus ordinis domibus observatur. » Et ne domestici testes suspecti fortasse videantur, peregrinos promimus, Stephanum Tornacensem, et Jacobum de Vitriaco: quorum prior ad Robertum priorem Pontiniacensem scribens, sic loquitor: « In sudore vultus sui vescuntur pane suo, nec eos lascivire et rixari faciunt otium et alienus cibus: tanta in eo parcimonia, ut duobus tantum pulmentis utantur, quae aut ager ex leguminibus, aut ex oleribus hortus affert; pisce tanto rarius utuntur, quanto frequentius apud eos audiri solet, quam videri » Et alter in Hist. Occid. cap. 14: « Piscibus, ovis, lacte, et casco non vescuntur communiter; quandoque tamen licet raro pietatis intuitu pro pittantiis et summis deliciis iis utuntur. » Mira sunt ea quae de Carthusianis scribit Petrus Venerabilis (Lib. ii Mir., cap. 28): « Pane furfureo semper utuntur, vino adeo adaquato, ut merito magis villum quam vinum dicatur. Ab omni carnium esu tam sani quam aegri in perpetuum abstinent. Pisces nunquam emunt, sed forte ex charitate datos accipiunt. Die dominico, et quinta feria tantum, caseum vel ova ad vescendum admittunt.","prev":{"citation":"Regula commentarius.510.38-64","label":"commentarius.510.38 to commentarius.510.64","url":"https://interlinea.aeterna-institute.org/library/latin/benedict/regula/commentarius.510.38","api":"https://interlinea.aeterna-institute.org/api/v1/library/latin/benedict/regula/commentarius.510.38"},"next":{"citation":"Regula commentarius.510.86-111","label":"commentarius.510.86 to commentarius.510.111","url":"https://interlinea.aeterna-institute.org/library/latin/benedict/regula/commentarius.510.86","api":"https://interlinea.aeterna-institute.org/api/v1/library/latin/benedict/regula/commentarius.510.86"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}