{"kind":"section","lang":"la","language":"Latin","title":"Regula commentarius.520.73-89","citation":"Benedict, Regula commentarius.520.73-89","ref":"commentarius.520.73","level":null,"urn":null,"url":"https://interlinea.aeterna-institute.org/library/latin/benedict/regula/commentarius.520.73","api":"https://interlinea.aeterna-institute.org/api/v1/library/latin/benedict/regula/commentarius.520.73","markdown":"https://interlinea.aeterna-institute.org/library/latin/benedict/regula/commentarius.520.73.md","author":{"name":"Benedict","url":"https://interlinea.aeterna-institute.org/library/latin/benedict"},"work":{"title":"Regula","url":"https://interlinea.aeterna-institute.org/library/latin/benedict/regula","urn":null},"verse":false,"words":306,"text":"» Certe puerorum libram panis paulo leviorem fuisse colligi posse videtur ex Hildemaro ad cap. 30, ubi agens de jejuniis pueris delinquentibus injungendis, « libra, inquit, viginti duos solidos habet quando crudus est …anis, ut cum coctus fuerit habeat solummodo viginti, » hoc est uncias duodecim, cum libra aliorum ex concilio Aquisgranensi esset solidorum triginta ante panis coctionem. Ad hunc locum pertinet quod in Vita S. Hugonis scribit Hildebertus Cenomanensis (In ejus Vita n. 12, apud Boll. 29 April.): « Quantae autem discretionis et misericordiae fuerit, junioribus coenobitis impensa demonstrat benignitas; quibus cum minor libra panis et potus ex consuetudine traderetur, ipse tamen parem eis dare constituit, aequum judicans, ut quos idem diei pondus affligebat et aestus, idem quasi jam denarius solveretur.] Carnium vero quadrupedum omnino ab omnibus abstineatur comestio, praeter omnino debiles et aegrotos.] Qui tamen ex mss. S. Benigni Consuetudinibus in Quadragesima, ut sani, abstinebant; imo etiam in Adventu et a Septuagesima ad caput jejunii, nisi maxima esset infirmitas. Hic plurimum torquentur auctorum ingenia, quorum sententiae tres praesertim in classes dividi possunt: 1° eorum qui…censent solas quadrupedum carnes a S. Benedicto interdictas esse, volatilibus concessis; 2° eorum qui dicunt, tam sanis quam infirmis vetitas esse volatilium carnes, solis quadrupedibus istis pro reparatione indultis; 3° eorum qui sustinent tam volatilia quam quadrupedia sanis prohibita, utraque vero infirmis permissa. Rem hic pro certo definire non est animus, sat esse existimanti trium sententiarum momenta promere, ut quam sibi arridere viderit, quisque libere sequi possit. Prima sententia triplici nititur fundamento, auctoritate, ratione et praxi. Nam primo ita Regulae textum intellexit Theodemarus abbas Cassinensis, Carolo Magno imper tori scribens in haec verba: « De volatilium tam caute prudentissiinus Pater noster in sua Regula posuit, ut si velint comedere monachi, cum opportunum est, non subjaceant culpae: si vero cis a suo tale edulium non praebeatur abbate, ut quasi ex debito, hoc non possunt requirere.","prev":{"citation":"Regula commentarius.520.58-72","label":"commentarius.520.58 to commentarius.520.72","url":"https://interlinea.aeterna-institute.org/library/latin/benedict/regula/commentarius.520.58","api":"https://interlinea.aeterna-institute.org/api/v1/library/latin/benedict/regula/commentarius.520.58"},"next":{"citation":"Regula commentarius.520.90-112","label":"commentarius.520.90 to commentarius.520.112","url":"https://interlinea.aeterna-institute.org/library/latin/benedict/regula/commentarius.520.90","api":"https://interlinea.aeterna-institute.org/api/v1/library/latin/benedict/regula/commentarius.520.90"},"credit":{"text":"Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml","quality":"ocr"}}