{"kind":"section","lang":"la","language":"Latin","title":"Institutiones 6.7.2","citation":"Cassian, Institutiones 6.7.2","ref":"6.7.2","level":null,"urn":null,"url":"https://interlinea.aeterna-institute.org/library/latin/cassian-john/institutiones/6.7.2","api":"https://interlinea.aeterna-institute.org/api/v1/library/latin/cassian-john/institutiones/6.7.2","markdown":"https://interlinea.aeterna-institute.org/library/latin/cassian-john/institutiones/6.7.2.md","author":{"name":"Cassian","url":"https://interlinea.aeterna-institute.org/library/latin/cassian-john"},"work":{"title":"Institutiones","url":"https://interlinea.aeterna-institute.org/library/latin/cassian-john/institutiones","urn":"urn:cts:latinLit:stoa0076c.stoa002"},"verse":false,"words":116,"text":"et ita omni sollicitudine ac tristitia negotiisque saecularibus, affectu etiam et opere coniugali efficiuntur alieni, ut praeter exercitium disciplinae nihil aliud nouerint nec ulli mundiali curae penitus inplicentur, ab eo tantum qui certamini praesidet sperantes cotidiani uictus substantiam et co- . ronae gloriam condignaque praemia uictoriae laude conquirere. atque in tantum se mundos ab omni coitus pollutione custodiunt, ut, cum se praeparant agonum certamini, ne qua forsitan per somnum nocturna delusi fallacia uires minuant multo tempore conquisitas, lamminis plumbeis renium contegant loca, quo scilicet metalli rigor genitalibus membris adplicitus obscenos umores ualeat inhibere, intellegentes se procul dubio esse uincendos nec iam posse propositum certamen demptis uiribus adinplere, si prouisam pudicitiae soliditatem fallax noxiae uoluptatis- Iuptais imago corruperit.","prev":{"citation":"Institutiones 6.7.1","label":"Book 6, Chapter 7","url":"https://interlinea.aeterna-institute.org/library/latin/cassian-john/institutiones/6.7.1","api":"https://interlinea.aeterna-institute.org/api/v1/library/latin/cassian-john/institutiones/6.7.1"},"next":{"citation":"Institutiones 6.8.1","label":"Book 6, Chapter 8","url":"https://interlinea.aeterna-institute.org/library/latin/cassian-john/institutiones/6.8.1","api":"https://interlinea.aeterna-institute.org/api/v1/library/latin/cassian-john/institutiones/6.8.1"},"credit":{"text":"Cassian, John, Institutiones, ed. Michael Petschenig. Text: Open Greek and Latin, CSEL (University of Leipzig), CC BY-SA 4.0. Changes: notes and apparatus removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/csel-dev/blob/master/data/stoa0076c/stoa002/stoa0076c.stoa002.opp-lat2.xml","quality":"ocr"}}